ಈಗ ಆರ್ಟಿಫಿಷಿಯಲ್‌ ಇಂಟಲಿಜೆನ್ಸ್‌ ಪೊಲೀಸ್‌

ಹೊಸದಿಲ್ಲಿ: ಇತ್ತೀಚೆಗೆ ಚೀನದಲ್ಲಿ ಕೃತಕ ಬುದ್ಧಿಮತ್ತೆಯ (ಆರ್ಟಿಫಿಷಿಯಲ್‌ ಇಂಟಲಿಜೆನ್ಸ್‌) ಸುದ್ದಿ ವಾಚಕರನ್ನು ನೋಡಿದ್ದೇವೆ. ಈಗ ನ್ಯೂಜಿಲೆಂಡ್‌ನ‌ಲ್ಲಿ ಕೃತಕ ಬುದ್ಧಿಮತ್ತೆ ಪೊಲೀಸ್‌ ಅನ್ನು ಕಾಣಬಹುದು. ಫೆ.17ರಿಂದ ಸೇವೆಗೆ ಇಳಿಯಲಿರುವ ಈ ಕೃತಕ ಪೊಲೀಸ್‌ಗೆ ಇಲಾ ಎಂದು ಹೆಸರಿಡಲಾಗಿದೆ.

ನ್ಯೂಜಿಲೆಂಡ್‌ನ‌ ರಾಜಧಾನಿ ವೆಲ್ಲಿಂಗ್ಟನ್‌ನ ಪೊಲೀಸ್‌ ಪ್ರಧಾನ ಕಚೇರಿಯಲ್ಲಿ ಅದು ಕಾರ್ಯಾಚರಣೆ ನಡೆಸಲಿದೆ. ಸಂದರ್ಶಕರೊಂದಿಗೆ ಮುಖಾಮುಖೀ ಚರ್ಚೆ ನಡೆಸುವುದು, ಪೊಲೀಸ್‌ ಪರಿಶೀಲನೆ, ಮುಂತಾದ ಕೆಲಸಗಳನ್ನು ಅದು ನಿರ್ವಹಿಸಲಿದೆ.