World Cup ಬಳಿಕ ನ್ಯೂಜಿಲ್ಯಾಂಡ್‌ ವನಿತಾ ಕ್ರಿಕೆಟ್‌ ತಂಡ ಭಾರತಕ್ಕೆ

ಹೊಸದಿಲ್ಲಿ: ವನಿತಾ ಟಿ20 ವಿಶ್ವಕಪ್‌ ಕ್ರಿಕೆಟ್‌ ಪಂದ್ಯಾವಳಿ ಮುಗಿದ ಕೂಡಲೇ ನ್ಯೂಜಿಲ್ಯಾಂಡ್‌ ತಂಡ 3 ಪಂದ್ಯಗಳ ಏಕದಿನ ಸರಣಿಗಾಗಿ ಭಾರತ ಪ್ರವಾಸ ಕೈಗೊಳ್ಳಲಿದೆ.

ಮೂರೂ ಪಂದ್ಯಗಳು ಅಹ್ಮದಾಬಾದ್‌ನಲ್ಲಿ ನಡೆಯಲಿವೆ. ಪಂದ್ಯಗಳ ದಿನಾಂಕ ಅ. 24, 27 ಮತ್ತು 29. ಇದೇ ವೇಳೆ (ಅ. 27ರಿಂದ) ಆಸ್ಟ್ರೇಲಿಯದಲ್ಲಿ ವನಿತಾ ಬಿಗ್‌ ಬಾಶ್‌ ಲೀಗ್‌ ಆರಂಭವಾಗಲಿದ್ದು, ಇದರಲ್ಲಿ ಭಾರತದ 6 ಆಟಗಾರ್ತಿಯರು ಆಡಲಿದ್ದಾರೆ. ಇದೀಗ ನ್ಯೂಜಿಲ್ಯಾಂಡ್‌ ಆಗಮನದಿಂದಾಗಿ ಇವರು ಬಿಗ್‌ ಬಾಶ್‌ ಲೀಗ್‌ನ ಆರಂಭಿಕ ಸುತ್ತಿನ ಕೆಲವು ಪಂದ್ಯಗಳಿಂದ ಹೊರಗುಳಿಯಬೇಕಾಗುತ್ತದೆ.

ಈ ಸರಣಿಗಾಗಿ ನ್ಯೂಜಿಲ್ಯಾಂಡ್‌ ತಂಡ ಕಳೆದ ವರ್ಷದ ಕೊನೆಯಲ್ಲೇ ಭಾರತಕ್ಕೆ ಆಗಮಿಸಬೇಕಿತ್ತು. ಆದರೆ ಭಾರತದ ಬಿಡುವಿಲ್ಲದ ಕ್ರಿಕೆಟ್‌ ಕಾರ್ಯಕ್ರಮಗಳಿಂದಾಗಿ ಮುಂದೂಡಲ್ಪಟ್ಟಿತು.