ಸಮಾನ ಪಂದ್ಯ ಶುಲ್ಕ; ನ್ಯೂಜಿಲ್ಯಾಂಡ್‌ ಕ್ರಿಕೆಟ್‌ ಮಂಡಳಿ ನಿರ್ಧಾರ

ಹೊಸದಿಲ್ಲಿ: ಕ್ರೀಡಾರಂಗದಲ್ಲಿ ಪುರುಷರಂತೆ ಮಹಿಳೆಯರಿಗೂ ಸಮಾನ ಗೌರವ, ವೇತನ ನೀಡಬೇಕು ಎಂಬ ವಾದ ಇವತ್ತು ನಿನ್ನೆಯದಲ್ಲ. ಗ್ರ್ಯಾನ್‌ಸ್ಲಾಮ್‌ ಟೆನಿಸ್‌ಗಳಲ್ಲಿ ಸಮಾನವಾಗಿ ಪ್ರಶಸ್ತಿ ಮೊತ್ತ ನೀಡಲಾಗುತ್ತದೆ.

ಇನ್ನು ಒಲಿಂಪಿಕ್ಸ್‌ಗಳಲ್ಲಿ ಪದಕ ನೀಡು ವಾಗಲೂ ತಾರತಮ್ಯ ಮಾಡುವುದಿಲ್ಲ. ಆದರೆ ಫ‌ುಟ್‌ಬಾಲ್‌, ಕ್ರಿಕೆಟ್‌, ಹಾಕಿ ಯಂತಹ ಕ್ರೀಡೆಗಳಲ್ಲಿ ವೇತನದಲ್ಲಿ ಸಮಾನವಾಗಿಲ್ಲ. ಭಾರತ ಮಹಿಳಾ ಮತ್ತು ಪುರುಷರ ಕ್ರಿಕೆಟಿಗರಿಗೆ ನೀಡುವ ವೇತನದಲ್ಲಿ ತೀರಾ ವ್ಯತ್ಯಾಸವಿದೆ.

ಇಷ್ಟರ ಮಧ್ಯೆ ನ್ಯೂಜಿಲ್ಯಾಂಡ್‌ ಕ್ರಿಕೆಟ್‌ ಮಂಡಳಿ ಒಂದು ಐತಿಹಾಸಿಕ ನಿರ್ಧಾರ ತೆಗೆದುಕೊಂಡಿದೆ. ಅದು ತನ್ನ ಪುರುಷ ಮತ್ತು ಮಹಿಳಾ ಕ್ರಿಕೆಟಿಗರಿಗೆ ಸಮಾನ ಶುಲ್ಕ ನೀಡುವ ತೀರ್ಮಾನ ಮಾಡಿದೆ. ಕಿವೀಸ್‌ ಪುರುಷ-ಮಹಿಳಾ ಕ್ರಿಕೆಟಿಗರಿಗೆ ಟೆಸ್ಟ್‌ ಪಂದ್ಯಕ್ಕೆ 8.12 ಲಕ್ಷ ರೂ., ಏಕದಿನಕ್ಕೆ 3.17 ಲಕ್ಷ ರೂ. ನೀಡಲಾಗುತ್ತದೆ.