ಹಿಂದಿಗೆ ಹೊಸ ತಂತ್ರಾಂಶ

ಹೊಸದಿಲ್ಲಿ: ಎಲ್ಲೆಲ್ಲೂ “ಹಿಂದಿ ಹೇರಿಕೆ’ ಕೂಗು ಕೇಳಿಬರುತ್ತಿರುವ ಬೆನ್ನಲ್ಲೇ, ಇದೀಗ, ಅಂತರ್ಜಾಲದ ಪ್ರತಿಯೊಂದು ಬರಹವನ್ನು ಹಿಂದಿಗೆ ಭಾಷಾಂತರಗೊಳಿಸಬಲ್ಲ ತಂತ್ರಾಂಶವೊಂದನ್ನು ಅನುಷ್ಠಾನಗೊಳಿಸಲು ಕೇಂದ್ರ ಮಾನವ ಸಂಪನ್ಮೂಲ ಅಭಿವೃದ್ಧಿ ಇಲಾಖೆ ನಿರ್ಧರಿಸಿದೆ.  “ಮೆಮೊರಿ ಆಧಾರಿತ್‌ ಅನುವಾದ್‌ ಸಾಫ್ಟ್ವೇರ್‌’ ಹೆಸರಿನ ಈ ತಂತ್ರಾಂಶದ ತಯಾರಿ ಈಗಾಗಲೇ ಶುರುವಾಗಿದ್ದು, ಆಗಸ್ಟ್‌ ನಲ್ಲಿ ಇದನ್ನು ಅನುಷ್ಠಾನಗೊಳಿಸಲಾಗುತ್ತದೆ. ಮುಂದಿನ ದಿನಗಳಲ್ಲಿ ಅಂತರ್ಜಾಲದಲ್ಲಿರುವ ಇಂಗ್ಲೀಷ್‌ ಲೇಖನಗಳನ್ನು ಹಿಂದಿಗೆ ಭಾಷಾಂತರಿಸಲು ಬಳಸಿಕೊಳ್ಳಲಾಗುತ್ತದೆ.