ಸ್ಕೋಡಾ ರಾಪಿಡ್‌ 2020ಕ್ಕೆ ರಿಲೀಸ್‌

ಹೊಸದಿಲ್ಲಿ: ಖ್ಯಾತ ಕಾರು ಕಂಪೆನಿ ಸ್ಕೋಡಾ, ತನ್ನ ‘ರಾಪಿಡ್‌’ ಮಾದರಿಯ ಕಾರಿನ ಹೊಸ ಆವೃತ್ತಿ ‘ಸ್ಕೋಡಾ ರಾಪಿಡ್‌ 2020’ ವಿಶ್ವ ಮಾರುಕಟ್ಟೆಗೆ ಪರಿಚಯಿಸಿದೆ. ರಷ್ಯಾದ ಸೇಂಟ್‌ ಪೀಟರ್ಸ್‌ಬರ್ಗ್‌ನಲ್ಲಿ ಇದನ್ನು ಲೋಕಾರ್ಪಣೆಗೊಳಿಸಲಾಗಿದೆ.

ತನ್ನೀ ಹಳೆಯ ಜನಪ್ರಿಯ ಮಾದರಿಯ ಕಾರನ್ನು ಇತ್ತೀಚೆಗಷ್ಟೇ ‘ರಾಪಿಡ್‌ ಫೇಸ್‌ ಲಿಫ್ಟ್’ ಹೆಸರಿನಲ್ಲಿ ಆಧುನೀಕರಿಸಿದ್ದ ಕಂಪೆನಿ, ಈಗ ಅದಕ್ಕೆ ಮತ್ತಷ್ಟು ವಿಶೇಷತೆಗಳನ್ನು ಸೇರ್ಪಡಿಸಿ ತನ್ನ ಮತ್ತೂಂದು ಜನಪ್ರಿಯ ಐಶಾರಾಮಿ ಕಾರಾದ ‘ಸ್ಕೋಡಾ ಆಕ್ಟೇವಿಯಾ’ಕ್ಕೆ ಇರುವ ಶ್ರೀಮಂತಿಕೆಯ ಸ್ಪರ್ಶ ನೀಡಿದೆ. ಈ ಹೊಸ ಕಾರಿನ ಬೇಸಿಕ್‌ ಮಾದರಿಯ ಬೆಲೆ 9.25 ಲಕ್ಷ ರೂ. (ಎಕ್ಸ್‌ ಶೋ ರೂಂ) ಇರಲಿದೆ.