ವರ್ಷಾಂತ್ಯದೊಳಗೆ 200 ರೂ. ಹೊಸ ನೋಟು, ಎಟಿಎಂಗಳಲ್ಲಿ ಸಿಗಲ್ಲ

ಹೊಸದಿಲ್ಲಿ : ಆರ್‌ಬಿಐ ಈ ಮುಂಬರುವ ತಿಂಗಳಲ್ಲಿ ಹೊರ ತರಲಿರುವ 200 ರೂ. ನೋಟು ಎಟಿಎಂ ಗಳಲ್ಲಿ ಸಿಗಲಾರವು ಎಂದು ತಾಜಾ ಮಾಧ್ಯಮ ವರದಿಗಳು ತಿಳಿಸಿವೆ. 

200 ರೂ. ನೋಟುಗಳನ್ನು ಹೊರ ತರುವುದರಿಂದ 500 ರೂ.ಗಿಂತ ಕೆಳ ಮಟ್ಟದ ನೋಟುಗಳ ಮೇಲಿನ ಒತ್ತಡ ಗಮನಾರ್ಹವಾಗಿ ಕಡಿಮೆಯಾಗುವುದೆಂದು ನಿರೀಕ್ಷಿಸಲಾಗಿದೆ.  ಇವು ಜನರ ಕೈಯಲ್ಲಿ ಸರಾಗವಾಗಿ ಹರಿದಾಡುವುದಕ್ಕೆ ಅನುಕೂಲ ಮಾಡಿಕೊಡಲಾಗುವುದು. ಹಾಗಾಗಿ ಎಟಿಎಂಗಳಲ್ಲಿ ಇವು ದೊರಕಲಾರವು ಎನ್ನಲಾಗಿದೆ.

ದೈನಂದಿನ ಬಳಕೆಯ 10 ರೂ., 20 ರೂ. ಮತ್ತು 50, 100 ರೂ. ನೋಟುಗಳ ಹಾಗೆ  200 ರೂ. ನೋಟುಗಳು ಜನಜೀವನದ ಸಾಮಾನ್ಯ ಬಳಕೆಯಲ್ಲಿ ಓಡಾಡಲಿದ್ದು ಅದರಿಂದ ದೊಡ್ಡ ನೋಟುಗಳ ಬಳಕೆಯನ್ನು ಕಡಿಮೆ ಮಾಡಲಾಗುವುದು ಎನ್ನಲಾಗಿದೆ. 

1,000 ರೂ. ಮೌಲ್ಯದ ನೋಟುಗಳನ್ನು ಮತ್ತೆ ಮುದ್ರಿಸಿ ಹೊರ ತರುವ ಆಲೊಚನೆ ಆರ್‌ಬಿಐ ಗೆ ಇಲ್ಲ ಎಂದು ಮೂಲಗಳು ಹೇಳಿವೆ. 200 ರೂ. ಹೊಸ ನೋಟುಗಳು ವರ್ಷಾಂತ್ಯದೊಳಗೆ ಚಲಾವಣೆಗೆ ಬರಲಿವೆ ಎಂದು ಮೂಲಗಳು ತಿಳಿಸಿವೆ.