ಆ.15ರಂದು “ಓಲಾ ಎಸ್‌1 ಪ್ರೋ’ಅನಾವರಣ; ಗರಿಷ್ಠ ವೇಗ ಮಿತಿ 115 ಕಿ.ಮೀ.,10 ಬಣ್ಣಗಳಲ್ಲಿ ಲಭ್ಯ

ಓಲಾ ಕಂಪನಿಯ ಬಹು ನಿರೀಕ್ಷಿತ ಇ-ಸ್ಟೂಟರ್‌ “ಓಲಾ ಎಸ್‌1 ಪ್ರೋ’, ಆ.15ರಂದು ಭಾರತೀಯ ಮಾರುಕಟ್ಟೆಗೆ ಲಗ್ಗೆಯಿಡಲಿದೆ.

ಇದರ ಅಂದಾಜು ಬೆಲೆ 1 ಲಕ್ಷ ರೂ. ಆಗಬಹುದು ಎಂದು ನಿರೀಕ್ಷಿಸಲಾಗಿದೆ.

ಒಂದು ಚಾರ್ಜ್‌ನಲ್ಲಿ 181 ಕಿ.ಮೀ. ಸಾಗಲಿರುವ ಇದು, 3.97 ಕಿ.ವ್ಯಾ. ಅವರ್‌ ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ.

ಗರಿಷ್ಠ ವೇಗದ ಮಿತಿ ಪ್ರತಿ ಗಂಟೆಗೆ 115 ಕಿ.ಮೀ. ಇದ್ದು, ಈ ಸ್ಕೂಟರ್‌ 10 ಬಣ್ಣಗಳಲ್ಲಿ ಲಭ್ಯವಿರಲಿದೆ ಎಂದು ಕಂಪನಿ ತಿಳಿಸಿದೆ.

ಇದೇ ಸಮಾರಂಭದಲ್ಲಿ, ಸದ್ಯದಲ್ಲೇ ಹೊರಬರಲಿರುವ ಓಲಾ ಕಂಪನಿಯ ಕಾನ್ಸೆಪ್ಟ್ ಕಾರ್‌ನ ಚಿತ್ರಗಳು ಬಿಡುಗಡೆಯಾಗುವ ಸಾಧ್ಯತೆಗಳಿವೆ.