ಯುಎಇಯಲ್ಲಿ ಏಷ್ಯಾ ಕಪ್‌ ಕ್ರಿಕೆಟ್‌

ಕೊಲಂಬೊ: ಶ್ರೀಲಂಕಾದಲ್ಲಿ ನಡೆಯಬೇಕಿದ್ದ ಏಷ್ಯಾ ಕಪ್‌ ಕ್ರಿಕೆಟ್‌ ಪಂದ್ಯಾವಳಿ ಅಧಿಕೃತವಾಗಿ ಯುಎಇಗೆ ಸ್ಥಳಾಂತರಗೊಂಡಿತು. ಆ. 27ರಿಂದ ಸೆ. 11ರ ತನಕ ಈ ಟೂರ್ನಿ ನಡೆಯಲಿದೆ.

ದ್ವೀಪರಾಷ್ಟ್ರದಲ್ಲಿ ಹದಗೆಟ್ಟಿರುವ ಅರ್ಥಿಕ ಸ್ಥಿತಿ ಹಾಗೂ ಇತ್ತೀಚಿನ ಸಾರ್ವಜನಿಕ ಪ್ರತಿಭಟನೆಯನ್ನು ಪರಿಗಣಿಸಿ ಎಸಿಸಿ ಈ ನಿರ್ಧಾರಕ್ಕೆ ಬಂತು. ಇತ್ತೀಚೆಗೆ ಆಸ್ಟ್ರೇಲಿಯ ವಿರುದ್ಧ ಹಾಗೂ ಇದೀಗ ಪಾಕಿಸ್ಥಾನದ ವಿರುದ್ಧದ ಸರಣಿಯನ್ನು ಯಶಸ್ವಿಯಾಗಿ ನಡೆಸಿ ಕೊಟ್ಟರೂ ಶ್ರೀಲಂಕಾದ ಏಷ್ಯಾ ಕಪ್‌ ಆತಿಥ್ಯ ಕೈತಪ್ಪಿದ್ದು ವಿಪರ್ಯಾಸ.