Donald Trump: ಆಡಳಿತದಲ್ಲಿ ಮಸ್ಕ್, ತುಳಸಿ, ಕೆನಡಿಗೆ ಅವಕಾಶ?

ವಾಷಿಂಗ್ಟನ್‌: ಈ ಬಾರಿ ಚುನಾವಣೆಯಲ್ಲಿ ಗೆಲ್ಲಲು ಟ್ರಂಪ್‌ಗೆ ಸಹಾಯ ಮಾಡಿದ್ದ ಎಲಾನ್‌ ಮಸ್ಕ್ ಸೇರಿದಂತೆ ಹಿಂದಿನ ಸರ್ಕಾರದಲ್ಲಿದ್ದ ಹಲವು ನಂಬಿಕಸ್ಥರು ಈ ಬಾರಿ ಅವಕಾಶ ಗಿಟ್ಟಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ.

ಈ ಹಿಂದೆ ಅಧ್ಯಕ್ಷೀಯ ಚುಣಾವಣೆಗೆ ಸ್ಪರ್ಧಿಸಿದ್ದ ರಾಬರ್ಟ್‌ ಎಫ್. ಕೆನಡಿ ಜೂನಿಯರ್‌, ತುಳಸಿ ಗ್ಯಬಾರ್ಡ್‌, ರಾಬರ್ಟ್‌ ಓಬ್ರಯಾನ್‌ ಮತ್ತು ಮೈಕ್‌ ಪೋಂಪಿಯೋ ಈ ಬಾರಿ ಸ್ಥಾನ ಪಡೆದುಕೊಳ್ಳುವ ನಿರೀಕ್ಷೆ ಇದೆ.

ಅಲ್ಲದೇ ಜೆ.ಪಿ.ಮೋರ್ಗನ್‌ ಚೇಸ್‌ನ ಸಿಇಒ ಡೈಮನ್‌ ಹಾಗೂ ಹೆಜ್‌ ಫ‌ಂಡ್‌ನ‌ ಮ್ಯಾನೇಜರ್‌ ಜಾನ್‌ ಪೌಲ್‌ಸನ್‌ ಸೇರಿದಂತೆ ಮತ್ತಷ್ಟು ಉದ್ಯಮಪತಿಗಳು ಸ್ಥಾನ ಪಡೆದುಕೊಳ್ಳಲಿದ್ದಾರೆ ಎನ್ನಲಾಗಿದೆ.

ಈ ಬಾರಿ ಚುನಾವಣೆಯಲ್ಲಿ ಟ್ರಂಪ್‌ ಪರ ಹೆಚ್ಚು ಪ್ರಚಾರ ಮತ್ತು ಹೆಚ್ಚು ದೇಣಿಗೆ ನೀಡಿದ್ದ ಉದ್ಯಮಿ ಎಲಾನ್‌ ಮಸ್ಕ್ಗೆ ಪ್ರಮುಖ ಹುದ್ದೆ ದೊರೆಯುವ ಸಾಧ್ಯತೆ ಇದೆ.