Shankh; ಭಾರತದ ಆಗಸದಲ್ಲಿ ಹೊಸ ವಿಮಾನ: ಶೀಘ್ರ “ಶಂಖ’ ಹಾರಾಟ

ಹೊಸದಿಲ್ಲಿ: ಭಾರತದಲ್ಲಿ ವೈಮಾನಿಕ ಸಂಚಾರದ ಸೇವೆ ನೀಡಲು ಮತ್ತೂಂದು ವಿಮಾನಯಾನ ಕಂಪೆನಿಗೆ ಕೇಂದ್ರ ಸರಕಾರ ಒಪ್ಪಿಗೆ ನೀಡಿದೆ. ಉತ್ತರ ಪ್ರದೇಶ ಮೂಲದ ಶ್ರವಣ ಕುಮಾರ್‌ ವಿಶ್ವಕರ್ಮ ಎಂಬವರ ಮಾಲಕತ್ವದ “ಶಂಖ್‌ ಏರ್‌ಲೈನ್ಸ್‌’ ಶೀಘ್ರ  ಹಾರಾಟ ಆರಂಭಿಸುವ ನಿರೀಕ್ಷೆ ಇದೆ.

ಕೇಂದ್ರ ಸರಕಾರದಿಂದ ಒಪ್ಪಿಗೆ ಸಿಕ್ಕಿದ್ದರೂ ಇನ್ನು ಡಿಜಿಸಿಎ ಶಂಖ್‌ ಏರ್‌ಲೈನ್ಸ್‌ಗೆ ಹಾರಾಟದ ಪರವಾನಿಗೆಯನ್ನು ನೀಡಿಲ್ಲ. ಉತ್ತರ ಪ್ರದೇಶ ಮೂಲದ ಶಂಖ್‌ ಏರ್‌ಲೈನ್ಸ್‌ ಲಕ್ನೋ ಮತ್ತು ನೋಯ್ಡಾದಲ್ಲಿ ಬೇಸ್‌ಗಳನ್ನು ನಿರ್ಮಾಣ ಮಾಡಲು ಯೋಜಿಸಿದೆ.

ಅಲ್ಲದೇ ದೇಶದ ಎಲ್ಲ ಪ್ರಮುಖ ನಗರಗಳಿಗೂ ವಿಮಾನಯಾನ ಸೇವೆ ನೀಡಲಿದೆ ಎಂದು ಕಂಪೆನಿ ಹೇಳಿಕೊಂಡಿದೆ. ಹೊಸ ತಲೆಮಾರಿನ ಬೋಯಿಂಗ್‌ ವಿಮಾನಗಳೊಂದಿಗೆ ಹಾರಾಟ ಆರಂಭವಾಗಲಿದೆ.