ನೀಟ್‌ ವಯೋಮಿತಿ ನಿಯಮ ಸಡಿಲ

ನವದೆಹಲಿ: ವೈದ್ಯಕೀಯ, ದಂತ ವೈದ್ಯಕೀಯ ಕಲಿಯಬೇಕಾ? ಹಾಗಿದ್ದರೆ ಇನ್ನು ನೀಟ್‌-ಯು.ಜಿ.ಯನ್ನು ಎಷ್ಟು ಬಾರಿ ಬೇಕಾದರೂ ಬರೆಯಬಹುದು. ಈ ಬಗ್ಗೆ ಇರುವ ಮಾರ್ಪಾಡುಗಳನ್ನು ರಾಷ್ಟ್ರೀಯ ವೈದ್ಯಕೀಯ ಆಯೋಗ ಬುಧವಾರ ಪ್ರಕಟಿಸಿದ್ದು, ಪ್ರಸಕ್ತ ವರ್ಷದಿಂದಲೇ ಜಾರಿಗೆ ಬರಲಿದೆ.

ಇದುವರೆಗೆ ಸಾಮಾನ್ಯ ವರ್ಗದ ವಿದ್ಯಾರ್ಥಿಗಳಿಗೆ ಗರಿಷ್ಠ ವಯೋಮಿತಿ 25, ಎಸ್‌ಸಿ, ಎಸ್‌ಟಿ, ಒಬಿ ಸಿ-ಎನ್‌ಎಸ್‌ಎಲ್‌ ಮತ್ತು ದಿವ್ಯಾಂಗರಿಗೆ 30 ವರ್ಷವಿತ್ತು. ಪರಿಷ್ಕೃತ ನಿರ್ಧಾರದ ಪ್ರಕಾರ 12ನೇ ತರಗತಿ ಪರೀಕ್ಷೆಯಲ್ಲಿ ಭೌತಶಾಸ್ತ್ರ, ರಸಾಯನಶಾಸ್ತ್ರ, ಜೀವಶಾಸ್ತ್ರ ವಿಷಯಗಳನ್ನು ಒಳಗೊಂಡಿರುವ ಪರೀಕ್ಷೆಯಲ್ಲಿ ಉತ್ತೀರ್ಣರಾದವರು ಎಷ್ಟು ಬಾರಿ ಬೇಕಾದರೂ, ನೀಟ್‌-ಯು.ಜಿ. ಬರೆಯಬಹುದು. ಇದರ ಜತೆಗೆ ಪ್ರಸಕ್ತ ವರ್ಷದಿಂದ ಪರೀಕ್ಷೆಯ ಪದ್ಧತಿಯೂ ಕೂಡ ಬದಲಾಗುವ ಸಾಧ್ಯತೆ ಇದೆ.