ವಿದೇಶಗಳಲ್ಲಿನ ವೈದ್ಯ ಕೋರ್ಸ್‌ಗೆ ನೀಟ್‌ ಕಡ್ಡಾಯ?

ನವದೆಹಲಿ: ವಿದೇಶಿ ವಿವಿಗಳಲ್ಲಿ ಎಂಬಿಬಿಎಸ್‌ ಕೋರ್ಸ್‌ ಮಾಡಬೇಕೆಂದಿದ್ದರೆ ರಾಷ್ಟ್ರೀಯ ಅರ್ಹತೆ ಮತ್ತು ಪ್ರವೇಶ ಪರೀಕ್ಷೆ (ನೀಟ್‌) ಬರೆಯಬೇಕು. ಈ ಅಂಶವನ್ನು ಕಡ್ಡಾಯಗೊಳಿಸಲು ಕೇಂದ್ರ ಸರ್ಕಾರ ಮುಂದಾಗಿದೆ. 

ಕೇವಲ ಪ್ರತಿಭಾನ್ವಿತ ವಿದ್ಯಾರ್ಥಿಗಳು ಮಾತ್ರ ವಿದೇಶಗಳಲ್ಲಿ ವೈದ್ಯ ಪದವಿ ಪಡೆಯಬೇಕು ಎಂಬ ಕಾರಣಕ್ಕಾಗಿ ಈ ನಿರ್ಧಾರಕ್ಕೆ ಬರಲಾಗಿದೆ. ಸದ್ಯ ದೇಶದ ಯಾವುದೇ ಸರ್ಕಾರಿ ಅಥವಾ ಖಾಸಗಿ ವೈದ್ಯ ಕಾಲೇಜುಗಳಲ್ಲಿ ವೈದ್ಯಕೀಯ ಕೋರ್ಸ್‌ಗೆ ಪ್ರವೇಶ ಪಡೆಯುವವರು ನೀಟ್‌ ಬರೆಯಬೇಕು. ಸದ್ಯ ವಿದೇಶಗಳಲ್ಲಿ ಕೋರ್ಸ್‌ ಮಾಡುವವರು ಫಾರಿನ್‌ ಮೆಡಿಕಲ್‌ ಗ್ರಾಜುವೇಟ್ಸ್‌ ಎಕ್ಸಾಮಿನೇಷನ್‌ (ಎಫ್ಎಂಜಿಇ) ಬರೆಯಬೇಕಾಗಿದೆ. ಭಾರತೀಯ ವೈದ್ಯಕೀಯ ಮಂಡಳಿ ಈ ಪರೀಕ್ಷೆ ನಡೆಸುತ್ತಿದೆ.