Bypolls ನಂತರ ರಾಜ್ಯಸಭೆಯಲ್ಲಿ ಬಹುಮತ ಸಾಧಿಸಲು ಕಣ್ಣಿಟ್ಟಿರುವ ಎನ್ ಡಿಎ

ಹೊಸದಿಲ್ಲಿ: ಮುಂದಿನ ತಿಂಗಳು ನಿಗದಿಯಾಗಿರುವ 12 ಸ್ಥಾನಗಳಿಗೆ ನಡೆಯಲಿರುವ ಉಪಚುನಾವಣೆಯ ನಂತರ ರಾಜ್ಯಸಭೆಯಲ್ಲಿ ಬಿಜೆಪಿ ನೇತೃತ್ವದ ಎನ್‌ಡಿಎ ಸ್ಪಷ್ಟ ಬಹುಮತವನ್ನು ಸಾಧಿಸುವ ನಿರೀಕ್ಷೆಯಿದೆ. ಸರಕಾರ ವಕ್ಫ್ (ತಿದ್ದುಪಡಿ) ಮಸೂದೆಯಂತಹ ಪ್ರಮುಖ ಶಾಸನಗಳಿಗೆ ಅನುಮೋದನೆ ಪಡೆಯಲು ಬಹುಮತ ಅಗತ್ಯವಾಗಿದೆ.

ಸದ್ಯ 229 ರ ಬಲದ ಮೇಲ್ಮನೆಯಲ್ಲಿ ಬಿಜೆಪಿ 87 ಸಂಸದರನ್ನು ಹೊಂದಿದ್ದು ಮಿತ್ರಪಕ್ಷಗಳ ಸೇರಿ ಸಂಖ್ಯೆ 105 ಇದೆ. ಆರು ನಾಮನಿರ್ದೇಶಿತ ಸದಸ್ಯರು, ಸಾಮಾನ್ಯವಾಗಿ ಸರಕಾರದೊಂದಿಗೆ ತಮ್ಮ ಮತವನ್ನು ಚಲಾಯಿಸುತ್ತಾರೆ. ಹೀಗಾಗಿ NDA ಬಲ 111 ಕ್ಕೆ ತಲುಪುತ್ತದೆ. ಅಂದರೆ 115 ರ ಬಹುಮತದ ಸಂಖ್ಯೆಗಿಂತ ನಾಲ್ಕು ಸ್ಥಾನ ಕಡಿಮೆ.

ಮೇಲ್ಮನೆಯಲ್ಲಿ ಕಾಂಗ್ರೆಸ್ 26 ಸದಸ್ಯರನ್ನು ಹೊಂದಿದ್ದು, ಮಿತ್ರಪಕ್ಷಗಳು ಸಂಖ್ಯೆ 58 ಇದ್ದು ವಿಪಕ್ಷ ಮೈತ್ರಿಯ ಸಂಖ್ಯೆಯನ್ನು 84 ಕ್ಕೆ ತಲುಪುತ್ತದೆ. ವೈಎಸ್‌ಆರ್ ಕಾಂಗ್ರೆಸ್ ಪಕ್ಷ 11 ಸದಸ್ಯರನ್ನು ಹೊಂದಿದ್ದು, ಬಿಜೆಡಿ ಎಂಟು ಸದಸ್ಯರನ್ನು ಹೊಂದಿದೆ.