Naxal: ಎನ್‌ಕೌಂಟರ್‌ಗೆ ಜಾಲತಾಣದಲ್ಲಿ ಮಾಜಿ ನಕ್ಸಲ್‌ ಪತ್ನಿ ಆಕ್ರೋಶ

ಚಿಕ್ಕಮಗಳೂರು: ನಕ್ಸಲ್‌ ನಾಯಕ ವಿಕ್ರಂಗೌಡ ಎನ್‌ಕೌಂಟರ್‌ಗೆ ಈಗಾಗಲೇ ಮುಖ್ಯವಾಹಿನಿಗೆ ಮರಳಿರುವ ಮಾಜಿ ನಕ್ಸಲ್‌ ಒಬ್ಬರ ಪತ್ನಿ ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

“ಕಾಮ್ರೇಡ್‌ ವಿಕ್ರಮ್‌ಗೌಡ ಅಮರ್‌ ರಹೇ!’ ಎಂದು ಬರಹ ಆರಂಭಿಸಿರುವ ಅವರು, ಕ್ರಾಂತಿಕಾರಿ ಹೋರಾಟಗಾರರನ್ನು ಕೊಂದು ಹೋರಾಟವನ್ನು ತಡೆಯಲಾಗದು. ಹಸಿವು, ಬಡತನ, ನಿರುದ್ಯೋಗ, ಶೋಷಣೆ, ಜಾತಿ, ಲಿಂಗ ತಾರತಮ್ಯ, ಅಸಮಾನತೆಗಳು ಇರುವವರೆಗೂ ಬಾ ಧಿತ ಪ್ರಜೆಗಳು ಒಗ್ಗಟ್ಟಾಗುತ್ತಲೇ ಇರುತ್ತಾರೆ. ರಾಜಿರಹಿತ ಹೋರಾಟಗಳನ್ನು ಮಾಡುತ್ತಲೇ ಇರುತ್ತಾರೆ. ಇದು ಚಾರಿತ್ರಿಕ ಸತ್ಯ. ಎಚ್ಚರವಿರಲಿ ಶೋಷಕರೇ!’ ಎಂದು ಬರೆದುಕೊಂಡಿದ್ದಾರೆ.ಪೊಲೀಸರ ಕೈಯಲ್ಲಿ ಬಂದೂಕಿತ್ತು. ನಕ್ಸಲರ ಕೈಯಲ್ಲೂ ಬಂದೂಕಿತ್ತು.

ಮುಖಾಮುಖಿಯಾದಾಗ ಮೊದಲಿಗೆ ನಕ್ಸಲರು ಪೊಲೀಸರತ್ತ ಗುಂಡು ಹಾರಿಸುತ್ತಾರೆ. ಆದರೆ ಯಾರೂ ಸಾಯುವುದಿಲ್ಲ. ಅನಂತರ ಪೊಲೀಸರು ನಕ್ಸಲರತ್ತ ಗುಂಡು ಹಾರಿಸುತ್ತಾರೆ. ವಿಕ್ರಂ ಗೌಡ ಹತ್ಯೆಯಾಗುತ್ತಾನೆ. ಇದು ಯಾವ ಲಾಜಿಕ್ಕು… ಹಾಗಾದರೆ ವಿಕ್ರಮ್‌ ಅವರ ಸಾವು ಕಗ್ಗೊಲೆಯೇ? ಆ ಮುಗª ಆದಿವಾಸಿ ಹೋರಾಟಗಾರನ ಸಾವಿಗೆ ಈ ವ್ಯವಸ್ಥೆಯೇ ನ್ಯಾಯ ಒದಗಿಸಬೇಕು ಎಂದೂ ಹೇಳಿದ್ದಾರೆ.