ನವರಾತ್ರಿ ಉತ್ಸವ: ಗೋವಾದ ಬಿಚೋಲಿಯ ಶ್ರೀ ಶಾಂತಾದುರ್ಗಾ ದೇವಸ್ಥಾನದಲ್ಲಿ ವಿವಿಧ ಕಾರ್ಯಕ್ರಮ

ಪಣಜಿ: ಗೋವಾದ ಬಿಚೋಲಿಯ ಶ್ರೀ ಶಾಂತಾದುರ್ಗಾ ದೇವಸ್ಥಾನದಲ್ಲಿ ನವರಾತ್ರಿ ಉತ್ಸವದ ಅಂಗವಾಗಿ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ.

ನವರಾತ್ರಿ ಪ್ರಯುಕ್ತ ಶತಚಂಡಿ ಮಹೋತ್ಸವವನ್ನು ಆಯೋಜಿಸಲಾಗಿದೆ.  ಇಷ್ಟೇ ಅಲ್ಲದೆಯೇ ಪ್ರತಿದಿನ ಪುಣೆಯ ಪ್ರಸಿದ್ಧ ಕೀರ್ತನಕಾರ ರಾಮನಾಥ ರಾಮಚಂದ್ರ ಅಯ್ಯರ್‍ಬುವಾ ರವರ ಕೀರ್ತನೆ ನಡೆಯಲಿದೆ.

ಘಟಸ್ಥಾಪನೆಯ ಮೂಲಕವಾಗಿ ಗುರುವಾರ ನವರಾತ್ರಿ ಉತ್ಸವ ಆರಂಭಗೊಳ್ಳಲಿದ್ದು ಅಕ್ಟೋಬರ್ 14 ರಂದು ಉತ್ಸವ ಸಮಾರೋಪಗೊಳ್ಳಲಿದೆ. ಶ್ರೀ ದೇವಿಯ ವಾರ್ಷಿಕ ದಸರಾ ಉತ್ಸವ ಅಕ್ಟೋಬರ್ 15 ರಂದು ನಡೆಯಲಿದೆ.

ಈ ಹಿನ್ನೆಲೆಯಲ್ಲಿ ಅಂದು ದಿನವಿಡೀ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಲಿದೆ ಎಂದು ಶ್ರೀ ಶಾಂತಾದುರ್ಗಾ ದೇವಸ್ಥಾನ ಸಮೀತಿ ಮಾಹಿತಿ ನೀಡಿದೆ.