National Sports Day;ರಾಹುಲ್‌ ಗಾಂಧಿ ಮಾರ್ಷಲ್‌ ಆರ್ಟ್ಸ್ ಕಲಿಕೆ: ವೀಡಿಯೋ ನೋಡಿ

ಹೊಸದಿಲ್ಲಿ: ಭಾರತ್‌ ಜೋಡೋ ಯಾತ್ರೆ ವೇಳೆ ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ, ಮಾರ್ಷಲ್‌ ಆರ್ಟ್ಸ್ (ಸಮರ ಕಲೆಗಳು) ತರಬೇತಿ ನೀಡುವ ವೀಡಿಯೋವನ್ನು ರಾಷ್ಟ್ರೀಯ ಕ್ರೀಡಾ ದಿನವಾದ ಗುರುವಾರ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಅಲ್ಲದೇ ಶೀಘ್ರದಲ್ಲೇ “ಭಾರತ್‌ ದೋಜೋ ಯಾತ್ರೆ’ ನಡೆಯಲಿದೆ ಎಂದಿದ್ದಾರೆ. ಮಾರ್ಷಲ್‌ ಆರ್ಟ್ಸ್ ಕಲಿಕಾ ಕೇಂದ್ರಗಳಿಗೆ ದೋಜೋ ಎನ್ನುತ್ತಾರೆ. ರಾಹುಲ್‌ ತಾವು ಐಕಿಡೋದಲ್ಲಿ ಬ್ಲಾಕ್‌ ಬೆಲ್ಟ್ ಮತ್ತು ಜು-ಜಿತ್ಸುವಿನಲ್ಲಿ ಬ್ಲೂ ಬೆಲ್ಟ್ ಗಳಿಸಿರುವುದಾಗಿ ತಿಳಿಸಿದ್ದಾರೆ. ರಾಹುಲ್‌ ಈ ವೀಡಿಯೋ ಹಂಚಿಕೊಂಡಿದ್ದಾರೆ.