ರಾಷ್ಟ್ರೀಯ ನೆಟ್‌ಬಾಲ್‌: ರಾಜ್ಯ ತಂಡಗಳಿಗೆ ಬೆಳ್ಳಿ

ಬೆಂಗಳೂರು: ಆಂಧ್ರ ಪ್ರದೇಶದಲ್ಲಿ ನಡೆದ 13ನೇ ದಕ್ಷಿಣ ವಲಯ ರಾಷ್ಟ್ರೀಯ ನೆಟ್‌ಬಾಲ್‌ ಚಾಂಪಿಯನ್‌ಶಿಪ್‌ನಲ್ಲಿ ಕರ್ನಾಟಕ ಪುರುಷರ ಹಾಗೂ ಮಹಿಳಾ ತಂಡಗಳು ಬೆಳ್ಳಿ ಪದಕ ಜಯಿಸಿವೆ.

ರಾಜ್ಯ ಪುರುಷರ ತಂಡ ಫೈನಲ್‌ನಲ್ಲಿ ಕೇರಳ ತಂಡದ ವಿರುದ್ಧ 21-15 ಅಂಕಗಳ ಅಂತರದಿಂದ ಸೋತು ಚಿನ್ನ ಕಳೆದುಕೊಂಡಿತು. ಸೆಮಿಫೈನಲ್‌ನಲ್ಲಿ 24-18 ಅಂಕಗಳಿಂದ ತೆಲಂಗಾಣ ತಂಡವನ್ನು ಸೋಲಿಸಿ ಫೈನಲ್‌ಗೇರಿತ್ತು.

ಕರ್ನಾಟಕ ಮಹಿಳಾ ತಂಡ 23-19 ಅಂತರದಿಂದ ಕೇರಳ ವಿರುದ್ಧ ಫೈನಲ್‌ನಲ್ಲಿ ಸೋಲನುಭವಿಸಿ ರನ್ನರ್‌ಅಪ್‌ ಆಯಿತು. ಸೆಮಿಫೈನಲ್‌ನಲ್ಲಿ ರಾಜ್ಯ ತಂಡ 22-17 ಅಂತರದಿಂದ ತೆಲಂಗಾಣವನ್ನು ಸೋಲಿಸಿತ್ತು.