National level ಕರಾಟೆ ಚಾಂಪಿಯನ್ ಶಿಪ್ ನಲ್ಲಿ ಪ್ರಥಮ ಸ್ಥಾನ ಪಡೆದ ತನೀಷಾ ಮಡಗಾಂವಿ

ದಾಂಡೇಲಿ: ಗದಗದಲ್ಲಿ ನಡೆದ ರಾಷ್ಟ್ರಮಟ್ಟದ ಕರಾಟೆ ಚಾಂಪಿಯನ್ ಶಿಪ್ ನಲ್ಲಿ ನಗರದ ಪ್ರತಿಭಾನ್ವಿತ ಕರಾಟೆ ಪಟು ತನೀಷಾ ಅಬ್ದುಲ್ ಮಡಗಾಂವಿ ಅತ್ಯುತ್ತಮ ಪ್ರದರ್ಶನ ನೀಡಿ ಪ್ರಥಮ ಸ್ಥಾನ ತನ್ನದಾಗಿಸಿಕೊಂಡು ನಗರಕ್ಕೆ ಕೀರ್ತಿ ತಂದಿದ್ದಾರೆ.

ಗದಗದಲ್ಲಿ ನಡೆದ ರಾಷ್ಟ್ರೀಯ ಕರಾಟೆ ಚಾಂಪಿಯನ್ ಶಿಪ್ ಕಟಾ ಮತ್ತು ಕುಮಿಟೆ ವಿಭಾಗದಲ್ಲಿ ತನೀಷಾ ಅಬ್ದುಲ್ ಮಡಗಾಂವಿ ಪ್ರಥಮ ಸ್ಥಾನ ಪಡೆದುಕೊಂಡಿದ್ದಾಳೆ.

ಈಕೆ ನಗರದ ಸಾರಿಗೆ ಉದ್ಯಮಿ, ಮಾರುತಿ ನಗರದ ನಿವಾಸಿ ಅಬ್ದುಲ್ ಮಡಗಾಂವಿ ಮತ್ತು ಉಪನ್ಯಾಸಕಿ ವೀಣಾ ಮಡಗಾಂವಿ ದಂಪತಿಗಳ ಸುಪುತ್ರಿ.

ಈಕೆಯ ಕರಾಟೆ ಗುರು ರಿಯಾಜ್ ಯಾಕುಬ್ ತರಬೇತಿ ನೀಡಿದ್ದರು. ಸಾಧನೆಗೆ ನಗರದ ಅನೇಕ ಗಣ್ಯರು ಹರ್ಷ ವ್ಯಕ್ತಪಡಿಸಿ, ಅಭಿನಂದನೆ ಸಲ್ಲಿಸಿದ್ದಾರೆ.