ನೆದರ್ಲೆಂಡ್‌, ಪೋರ್ಚುಗಲ್‌ಗ‌ೂ ಮೋದಿ ಭೇಟಿ

ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಇದೇ ತಿಂಗಳಾಂತ್ಯ ಅಮೆರಿಕಕ್ಕೆ ಮಾತ್ರವಲ್ಲದೆ ಪೋರ್ಚುಗಲ್‌ ಹಾಗೂ ನೆದರ್ಲೆಂಡ್‌ಗೂ ಪ್ರಯಾಣ ಬೆಳೆಸಲಿದ್ದಾರೆ. 24ರಂದು ಪೋರ್ಚುಗಲ್‌ಗೆ, 25 ಮತ್ತು 26 ರಂದು ಅಮೆರಿಕಕ್ಕೆ, 27ರಂದು ನೆದರ್ಲೆಂಡ್‌ಗೆ ಪ್ರಧಾನಿ ಭೇಟಿ ನೀಡಲಿದ್ದಾರೆ ಎಂದು ವಿದೇಶಾಂಗ ಸಚಿವಾಲಯ ಮಾಹಿತಿ ನೀಡಿದೆ. 26ರಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ರೊಂದಿಗೆ ಎಚ್‌-1ಬಿ ವೀಸಾ ಸೇರಿದಂತೆ ಹಲವು ವಿಚಾರಗಳ ಕುರಿತು ಮಹತ್ವದ ಮಾತುಕತೆ ನಡೆಸಲಿದ್ದಾರೆ.