ನಾರಾವಿ : ಅಕ್ಯೂಪ್ರಶರ್‌, ಸುಜೋಕ್‌ ಥೆರಪಿ ಶಿಬಿರ

ಬೆಳ್ತಂಗಡಿ : ಲಯನ್ಸ್‌ ಕ್ಲಬ್‌ ನಾರಾವಿ ಜಿಲ್ಲೆ -317 ಡಿ. ಪ್ರಾಂತ್ಯದ ವಲಯ -2  ಮತ್ತು ಗ್ರಾಮ ಪಂಚಾಯತ್‌  ನಾರಾವಿ ಇವುಗಳ ಆಶ್ರಯದಲ್ಲಿ ಅಕ್ಯೂಪ್ರಶರ್‌ ಮತ್ತು ಸುಜೋಕ್‌ ಥೆರಪಿ ಶಿಬಿರ ನಾರಾವಿ ಗ್ರಾ.ಪಂ. ಸಭಾಂಗಣದಲ್ಲಿ ಉದ್ಘಾಟನೆಗೊಂಡಿತು.

ನಾರಾವಿ ಗ್ರಾ.ಪಂ. ಅಧ್ಯಕ್ಷ ರವೀಂದ್ರ ಪೂಜಾರಿ ಬಾಂದೊಟ್ಟು ಶಿಬಿರವನ್ನು ಉದ್ಘಾಟಿಸಿ, ನಾರಾವಿ ಲಯನ್ಸ್‌ ಕ್ಲಬ್‌ ಒಂದು ಉತ್ತಮ ಸಂಘಟನೆಯಾಗಿದ್ದು ಬಡ ಜನರ ಕಷ್ಟ ಕಾರ್ಪಣ್ಯಗಳಿಗೆ ಸ್ಪಂದಿಸುತ್ತಿದೆ ಎಂದರು.

ಲಯನ್ಸ ಕ್ಲಬ್‌ ಅಧ್ಯಕ್ಷ, ನ್ಯಾಯವಾದಿ ಮುರಳಿ ಬಿ.ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ರಾಜಸ್ಥಾನ ಲೋಹಿಯ ಜೀವನ ಸಂಸ್ಥಾನ ರೀಸರ್ಚ್‌ ಸೆಂಟರ್‌ನ ಡಾ| ರಾಮ ಮನೋಹರ್‌, ಡಾ|ಎಂ. ಆರ್‌. ಜಾಕರ್ಡ್‌ ಶಿಬಿರದ ಬಗ್ಗೆ ಮಾಹಿತಿ ನೀಡಿದರು.

ಲಯನ್ಸ್‌ ಕ್ಲಬ್‌ ಕೋಶಾಧಿಕಾರಿ ಜಯರಾಜ ಕಾಡ, ಗ್ರಾ.ಪಂ. ಸದಸ್ಯೆ ಪ್ರಮೀಳಾ ಆರ್‌. ಭಟ್‌ ಉಪಸ್ಥಿತರಿದ್ದರು. ಲಯನ್ಸ್‌ ಕ್ಲಬ್‌ನ ಕಾರ್ಯಕ್ರಮ ಸಂಘಟಕ ಕೆ. ರಾಮಚಂದ್ರ ಭಟ್‌ ಕುಕ್ಕುಜೆ ಸ್ವಾಗತಿಸಿ, ಪ್ರಸ್ತಾವಿಸಿದರು. ಲಯನ್ಸ್‌ ಕ್ಲಬ್‌ ಕಾರ್ಯದರ್ಶಿ ಅಜಿತ್‌ ಕುಮಾರ್‌ ಕೊಕ್ರಾಡಿ ಕಾರ್ಯಕ್ರಮ ನಿರೂಪಿಸಿ, ವಂದಿಸಿದರು.