ಸಿಬಂದಿ ಪ್ರತಿಭಟನೆ: ನಾಳೆ ಮಧ್ಯಾಹ್ನದಿಂದ ನಮ್ಮ ಮೆಟ್ರೋ ಬಂದ್‌?

ಬೆಂಗಳೂರು: ವೇತನ ಪರಿಷ್ಕರಣೆ ಸೇರಿದಂತೆ ವಿವಿಧ ಬೇಡಿಕೆಗಳನ್ನು ಮುಂದಿಟ್ಟು  ನಮ್ಮ ಮೆಟ್ರೋ ಸಿಬಂದಿ ನಾಳೆ ಸೋಮವಾರದಿಂದ ಅನಿರ್ಧಿಷ್ಠಾವಧಿ ಪ್ರತಿಭಟನೆಗೆ ಮುಂದಾಗಿದ್ದಾರೆ.

ಮೆಟ್ರೋದ 900 ಮಂದಿ ಸಿಬಂದಿಗಳು ಕೆಲಸ ಬಹಿಷ್ಕರಿಸಿ ಹೋರಾಟಕ್ಕೆ ಮುಂದಾಗಿದ್ದು , ಬಿಎಂ ಆರ್‌ಸಿಎಲ್‌ ಅಧಿಕಾರಿಗಳು ಪ್ರತಿಭಟನೆ ಹತ್ತಿಕ್ಕಲು ಎಸ್ಮಾ ಜಾರಿ ಮಾಡಲು ಮುಂದಾಗಿದ್ದಾರೆ. 

ಎಸ್ಮಾ ಜಾರಿ ಕುರಿತು ಪ್ರತಿಭಟನೆಗೆ ಮುಂದಾಗಿರುವ ಸಿಬಂದಿಗಳು ಹೈಕೋರ್ಟ್‌ ಮೆಟ್ಟಿಲೇರಿದ್ದು ನಾಳೆ ಮಧ್ಯಾಹ್ನದೊಳಗೆ ತೀರ್ಪು ಬರಲಿದ್ದು, ತೀರ್ಪಿನ ಬಳಿಕ ಸಿಬಂದಿಗಳು ಹೋರಾಟಕ್ಕಿಳಿಯಲಿದ್ದಾರೆ ಎಂದು ತಿಳಿದು ಬಂದಿದೆ. 

ಬೇಡಿಕೆ ಈಡೇರುವ ವರೆಗೆ ಅನಿರ್ಧಿಷ್ಠಾವಧಿ ಹೋರಾಟ ನಡೆಸುವುದಾಗಿ ಸಿಬಂದಿಗಳು ಹೇಳಿದ್ದಾರೆ.