ನಾಲತವಾಡ(ವಿಜಯಪುರ) : ನಿಯತ್ತಿಗೆ ಹೆಸರುವಾಸಿಯಾಗಿರುವ ಶ್ವಾನಗಳು ಸದಾ ಮಾಲೀಕರೊಂದಿಗೆ ಅಪ್ಪುಗೆಯಿಂದ ಇರುವುದನ್ನು ನೋಡಿದ್ದೇವೆ. ಆದರೆ ಇಲ್ಲೊಂದು ಶ್ವಾನ ತನ್ನ ಮಾಲೀಕರೊಂದಿಗೆ ದಿನ ಕಳೆಯುವುದನ್ನು ನೋಡಿದರೆ ಆಶ್ಚರ್ಯವಾಗಬಹುದು.
ವಿಜಯಪುರ ಜಿಲ್ಲೆಯ ನಾಲತವಾಡ ಪಟ್ಟಣದ ವ್ಯಾಪಾರಿ ವೀರೇಶ ಕಂದಗಲ್ ಎನ್ನುವವರು ಆರು ತಿಂಗಳ ಹಿಂದೆ ಬೀದಿ ನಾಯಿಯೊಂದನ್ನು ಸಾಕಿದ್ದರು. ದಿನ ಕಳೆದಂತೆ ಈ ಬೀದಿ ನಾಯಿ ಮಾಲೀಕನೊಂದಿಗೆ ಒಡನಾಟದಿಂದ ಇರಲು ಆರಂಭಿಸುತ್ತದೆ. ಎಲ್ಲಿಯವರೆಗೆ ಅಂದರೆ ಮಾಲೀಕ ವೀರೇಶ ವ್ಯಾಪಾರಕ್ಕೆ ಹೋದಾಗ ಅವನ ಹಿಂದೆ ಬೈಕ್ ಮೇಲೆ ಕುಳಿತುಕೊಂಡು ಬಿಡುತ್ತದೆ.
ಹೌದು.! ಇದು ನೋಡುವವರಿಗೆ ಆಶ್ಚರ್ಯಕರವಾದ್ರೂ ಸತ್ಯವಾಗಿದೆ. ಇನ್ನು ವ್ಯಾಪಾರ ಮಾಡಲು ಬೈಕ್ ಮೇಲಿಂದ ಕೆಳಗೆ ಇಳಿದ್ರೆ ಶ್ವಾನ ಕೂಡ ತಾನಾಗಿಯೇ ಕೆಳಗೆ ಇಳಿಯುತ್ತದೆ. ಒಟ್ಟಿನಲ್ಲಿ ಮಾಲೀಕನೊಂದಿಗಿನ ಈ ಒಡನಾಟದಿಂದ ಸ್ಥಳೀಯರು ದಿಲ್ ಖುಷ್ ಆಗಿದ್ದಾರೆ.
