ನಾಗೇಂದ್ರ ಮುತ್ಮುರ್ಡು ಚಿತ್ರಕ್ಕೆ ಅಂತಾರಾಷ್ಟ್ರೀಯ ಪ್ರಶಸ್ತಿ

 ಬೆಂಗಳೂರು: ಯುರೋಪಿನ ಕಜಕಿಸ್ತಾನದಲ್ಲಿ ಕಳೆದ ವಾರ ನಡೆದ ಅಂತಾರಾಷ್ಟ್ರೀಯ ಛಾಯಾಚಿತ್ರ ಸ್ಪರ್ಧೆಯ ಪ್ರಕೃತಿ ವಿಭಾಗದಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಸಿದ್ದಾಪುರ ತಾಲೂಕಿನ ನಾಗೇಂದ್ರ ಮುತ್ಮುರ್ಡು ಅವರ ಮಕ್ಮಲ್‌ ನೆತ್ತಿಯ ಮರಗುಬ್ಬಿ ಛಾಯಾಚಿತ್ರಕ್ಕೆ ಫೋಟೋಗ್ರಫಿಕ್‌ ಸೊಸೈಟಿ ಆಫ್ ಅಮೆರಿಕದ ಚಿನ್ನದ ಪದಕ ಲಭಿಸಿದೆ. 

ಸ್ಪರ್ಧೆಯಲ್ಲಿ ಸುಮಾರು 55 ದೇಶಗಳ, 360 ಸ್ಪರ್ಧಿಗಳ, 6000ಕ್ಕೂ ಹೆಚ್ಚು ಚಿತ್ರಗಳು ಭಾಗವಹಿಸಿದ್ದವು. ಭಾರತಕ್ಕೆ ಎರಡು ಚಿನ್ನ, ಒಂದು ಬೆಳ್ಳಿ, ಹಾಗೂ ಒಂದು ಕಂಚಿನ ಪದಕ ಲಭಿಸಿವೆ. ಆರು ವಿಭಾಗಗಳಲ್ಲಿ ನಡೆದ ಸ್ಪರ್ಧೆಯಲ್ಲಿ ಮುತ್ಮುರ್ಡು ಅವರ ಒಟ್ಟು ಎಂಟು ಚಿತ್ರಗಳು ಪ್ರದರ್ಶನಕ್ಕೆ ಆಯ್ಕೆಯಾಗಿವೆ. ಆಯ್ಕೆಗೊಂಡ ಚಿತ್ರಗಳ ಪ್ರದರ್ಶನವು ಈ ತಿಂಗಳ ಎರಡನೇ ವಾರದಲ್ಲಿ ಕಜಕಿಸ್ತಾನದಲ್ಲಿ ನಡೆಯಲಿದೆ.