Maharashtra: 400ಕ್ಕೂ ಅಧಿಕ ಮುಸ್ಲಿಮರ ಸ್ಪರ್ಧೆ: ಗೆದ್ದದ್ದು 10 ಅಭ್ಯರ್ಥಿಗಳು

ಮುಂಬಯಿ: ಮಹಾರಾಷ್ಟ್ರ ವಿಧಾನಸಭೆ ಚುನಾ ವಣೆಯಲ್ಲಿ ಮುಸ್ಲಿಂ ಸಮುದಾಯಕ್ಕೆ ಸೇರಿದ 420 ಮಂದಿ ಸ್ಪರ್ಧಿಸಿ, 10 ಮಂದಿ ಮಾತ್ರ ಜಯಶಾಲಿಗಳಾಗಿದ್ದಾರೆ.

ಕಣಕ್ಕೆ ಇಳಿದಿದ್ದ 420 ಮಂದಿಯ ಪೈಕಿ 150 ಮಂದಿ ಸಣ್ಣ ಪಕ್ಷಗಳಿಗೆ ಸೇರಿದವರಾಗಿದ್ದರೆ, 218 ಮಂದಿ ಪಕ್ಷೇತರರಾಗಿ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದರು.

ಚುನಾವಣೆಯಲ್ಲಿ ಸ್ಪರ್ಧಿಸಿ ಗೆದ್ದವರ ಪೈಕಿ ಶಿವಸೇನೆಯ ಅಬ್ದುಲ್‌ ಸತ್ತಾರ್‌, ಎನ್‌ಸಿಪಿಯ ಸನಾ ಮಲಿಕ್‌ ಮತ್ತು ಹಸನ್‌ ಮುಶ್ರಿಫ್, ಸಂಸದ ಅಸಾದುದ್ದೀನ್‌ ಒವೈಸಿಯವರ ಎಂಐಎಂ ಪಕ್ಷದ ಮುಫ್ತಿ ಖಾಲಿಕ್‌, ಎಸ್‌ಪಿಯ ರಿಯಾಸ್‌ ಶೇಖ್‌ ಮತ್ತು ಅಬು ಆಸಿಂ ಆಜ್ಮಿ, ಕಾಂಗ್ರೆಸ್‌ನ ಅಮೀನ್‌ ಪಟೇಲ್‌, ಅಸ್ಲಾಂ ಶೇಖ್‌ ಮತ್ತು ಸಾಜಿದ್‌ ಖಾನ್‌ ಪಠಾಣ್‌, ಉದ್ಧವ್‌ ಶಿವಸೇನೆಯ ಹರೂನ್‌ ಖಾನ್‌ ಪ್ರಮುಖರಾಗಿದ್ದಾರೆ.