ಜು.16ಕ್ಕೆ ಪಕ್ಷದ ಎಲ್ಲ ಸಂಸದರಿಗೆ ನಡ್ಡಾ ಅವರಿಂದ ಔತಣಕೂಟ

ನವದೆಹಲಿ: ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ.ನಡ್ಡಾ ಅವರು ಪಕ್ಷದ ಎಲ್ಲ ಸಂಸದರಿಗೆ ಜು.16ರಂದು ಔತಣ ಕೂಟ ಏರ್ಪಡಿಸಿದ್ದಾರೆ. ರಾಷ್ಟ್ರಪತಿ ಚುನಾವಣೆಗೆ ಎರಡು ದಿನ ಮೊದಲೇ ಈ ಔತಣ ಕೂಟ ನಡೆಯಲಿದೆ.

ಪಕ್ಷದ ಎಲ್ಲ ಸಂಸದರಿಗೆ ಜು.16ಕ್ಕೇ ನವದೆಹಲಿಗೆ ಬರಲು ಸೂಚನೆ ನೀಡಲಾಗಿದೆ.

ಹಾಗೆಯೇ ವಾರಾಂತ್ಯದಲ್ಲಿ ಅಲ್ಲೇ ಇದ್ದು, ಜು.18ರಂದು ನಡೆಯುವ ರಾಷ್ಟ್ರಪತಿ ಚುನಾವಣೆಯಲ್ಲಿ ಮತ ಹಾಕುವಂತೆ ಹೇಳಲಾಗಿದೆ. ಅದೇ ದಿನ ಸಂಸತ್ತಿನ ಮುಂಗಾರು ಅಧಿವೇಶನವೂ ಆರಂಭವಾಗಲಿದೆ.

ರಾಷ್ಟ್ರಪತಿ ಚುನಾವಣೆಯಲ್ಲಿ ಎನ್‌ಡಿಎ ಅಭ್ಯರ್ಥಿಯಾಗಿ ದ್ರೌಪದಿ ಮುರ್ಮು ಅವರಿದ್ದರೆ, ಪ್ರತಿಪಕ್ಷಗಳ ಅಭ್ಯರ್ಥಿಯಾಗಿ ಯಶವಂತ್‌ ಸಿನ್ಹಾ ಅವರಿದ್ದಾರೆ.