ಮೈಸೂರು ರೈಲ್ವೆ ವಿಭಾಗ ವೀರಾಗ್ರಣಿ

ಹುಬ್ಬಳ್ಳಿ: ನೈಋತ್ಯ ರೈಲ್ವೆ ಹುಬ್ಬಳ್ಳಿ ವಿಭಾಗದ ಸಾಂಸ್ಕೃತಿಕ ಸಂಘದ ವತಿಯಿಂದ ರೈಲು ಕಲ್ಯಾಣ ಕೇಂದ್ರದಲ್ಲಿ ಅಂತರ ವಿಭಾಗೀಯ ಸಂಗೀತ ಸ್ಪರ್ಧೆಯಲ್ಲಿ  ಮೈಸೂರು ವಿಭಾಗ ಸಮಗ್ರ ವೀರಾಗ್ರಣಿ ಪ್ರಶಸ್ತಿ ಪಡೆಯಿತು.

ನಾಲ್ಕು ವಿಭಾಗಗಳಲ್ಲಿ ಸ್ಪರ್ಧೆ ನಡೆಯಿತು. ಹುಬ್ಬಳ್ಳಿ, ಬೆಂಗಳೂರು, ಮೈಸೂರು  ವಿಭಾಗ ಹಾಗೂ ಹುಬ್ಬಳ್ಳಿ ವರ್ಕ್‌ಶಾಪ್‌ ತಂಡಗಳು ಸ್ಪರ್ಧೆಯಲ್ಲಿ ಪಾಲ್ಗೊಂಡವು. ಎಂ.ವಿ.ಶ್ರೀಮತಿ ಹಾಗೂ ಹೇಮಲತಾ ಸಂಪತ್‌ ತೀರ್ಪುಗಾರರಾಗಿ  ಆಗಮಿಸಿದ್ದರು.

ಸಮಾರೋಪ ಸಮಾರಂಭದಲ್ಲಿ ಮುಖ್ಯ ಅತಿಥಿಯಾಗಿ ಮುಖ್ಯ ಸಿಬ್ಬಂದಿ ಅಧಿಕಾರಿ ಎಸ್‌.ಕೆ.ಅಲೆಲಾ, ಹೆಚ್ಚುವರಿ ವಿಭಾಗೀಯ ರೈಲ್ವೆ  ವ್ಯವಸ್ಥಾಪಕ ಆರ್‌.ಸಿ.ಪುನೇಥಾ ಆಗಮಿಸಿದ್ದರು.

ಬೆಂಗಳೂರು ವಿಭಾಗದ ಶ್ರೀಲಕ್ಷ್ಮಿ, ಶ್ಯಾಮು ವಿ. ಹಾಗೂ ಶಾಂತರಾಜ್‌ ವಿವಿಧ ವಿಭಾಗಗಳಲ್ಲಿ ಪ್ರಥಮ ಪ್ರಶಸ್ತಿ  ಪಡೆದರು. ಬೆಂಗಳೂರು ವಿಭಾಗ ರನ್ನರ್‌ಅಪ್‌ ಪ್ರಶಸ್ತಿಗೆ ಭಾಜನವಾಯಿತು. ಎಸ್‌.ಶ್ರೀಕಾಂತ ವಂದಿಸಿದರು.