ನನ್ನ ಅಣ್ಣನೇ ನನ್ನ ಗುರು ಅಂತಿದ್ದಾರೆ ಧ್ರುವ

ಬೆಂಗಳೂರು :  ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಟನೆಯ ಯುವರತ್ನ ಸಿನಿಮಾದಲ್ಲಿ ‘ಪಾಠಶಾಲಾ’ ಹಾಡು ರಿಲೀಸ್ ಆಗಿದ್ದು ಮೆಚ್ಚುಗೆಗೆ ಪಾತ್ರವಾಗುತ್ತಿದೆ. ಈ ಹಾಡು ಎಲ್ಲರ ಗುರುವಿನ ಬಗ್ಗೆ ನಿರ್ಮಣವಾಗಿದೆ. ಇದೇ ಹಿನ್ನೆಲೆಯಲ್ಲಿ ಚಿತ್ರತಂಡ #MyGuru ಅಭಿಯಾನ ಶುರು ಮಾಡಿದ್ದು, ಸಿನಿಮಾ ರಂಗದ ಹಲವು ಗಣ್ಯರು ತಮ್ಮ ಗುರು ಯಾರೆಂದು ಹೇಳುತ್ತಿದ್ದಾರೆ.

ಯುವರತ್ನ ಚಿತ್ರತಂಡ ಗುರುವಿನ ಬಗ್ಗೆ ಧ್ರುವ ಸರ್ಜರನ್ನೂ ಕೇಳಿದೆ. ಟ್ವಿಟ್ಟರ್‍ ನಲ್ಲಿ ಟ್ಯಾಗ್ ಮಾಡಿ  ನಿಮ್ಮ ಗುರು ಯಾರೆಂದು ಕೇಳಿದ್ದ ಪ್ರಶ್ನೆಗೆ ಉತ್ತರಿಸಿರುವ ನಟ ಧ್ರುವ ಸರ್ಜ ”ಬಾಳೆಂಬ ಮೊಳಕೆ ಚಿಗುರೊಡೆಯಲು ಮಳೆಯಾದೆ, ಹೂವಾಗಿ ಅರಳಲು ಸ್ಫೂರ್ತಿಯ ಸೂರ್ಯನಾದೆ ವೃಕ್ಷವಾಗಿ ಬೆಳೆಯಲು ಆಸರೆಯ ಭೂಮಿಯಾದ ನನ್ನ ಅಣ್ಣ ನನ್ನ ಗುರು ಎಂದಿದ್ದಾರೆ.

ಪುನೀತ್‍ ರಾಜ್ ಕುಮಾರ್ ಕೂಡ #MyGuru ಅಭಿಯಾನದಲ್ಲಿ ಪಾಲ್ಗೊಂಡಿದ್ದು, ಜೀವನದ ಮೌಲ್ಯ ಕಲಿಸಿದ ವಿಜಯಲಕ್ಷ್ಮಿ ಗುರುಗಳನ್ನು ಸ್ಮರಿಸಿಕೊಂಡಿದ್ದಾರೆ.