ಮುಸ್ಲಿಮರೂ ಹಿಂದೂಗಳೇ : ಭಾಗವತ್‌

ಅಗರ್ತಲಾ: “ಭಾರತದಲ್ಲಿ ವಾಸಿಸುತ್ತಿರುವ ಪ್ರತಿಯೊಬ್ಬ ವ್ಯಕ್ತಿಯೂ ಹಿಂದೂ ಆಗಿದ್ದಾನೆ. ಹಿಂದುತ್ವ ಎನ್ನುವುದರ ಅರ್ಥ ಎಲ್ಲ ಸಮುದಾಯಗಳನ್ನು ಒಗ್ಗೂಡಿಸುವುದೇ ಆಗಿದೆ.’

ಹೀಗೆಂದು ಹೇಳಿರುವುದು ಆರೆಸ್ಸೆಸ್‌ ಮುಖ್ಯಸ್ಥ ಮೋಹನ್‌ ಭಾಗವತ್‌. ಅವರು ಭಾನುವಾರ ತ್ರಿಪುರಾ ರಾಜಧಾನಿ ಅಗರ್ತಲಾದಲ್ಲಿ ನಡೆದ ಸಾರ್ವಜನಿಕ ಕಾರ್ಯಕ್ರಮ ದಲ್ಲಿ ಮಾತನಾಡಿದರು. “ಹಿಂದುತ್ವವೆನ್ನುವುದು ಹಿಂದೂ ಧರ್ಮಕ್ಕಿಂತ ಭಿನ್ನವಾದುದು. ಭಾರತದಲ್ಲಿರುವ ಮುಸ್ಲಿಮರೂ ಹಿಂದೂಗಳೇ. ನಮಗೆ ಯಾರೂ ಶತ್ರುಗಳಿಲ್ಲ. ನಾವು ಎಲ್ಲರ ಅಭಿವೃದ್ಧಿಯನ್ನು ಬಯಸುತ್ತೇವೆ. ಎಲ್ಲರನ್ನು ಒಗ್ಗೂಡಿಸುವುದೇ ನೈಜ ಹಿಂದುತ್ವ,’ ಎಂದು ಭಾಗವತ್‌ ಹೇಳಿದರು.

ಹೀಂದೂಗಳು ಆರೆಸ್ಸೆಸ್‌ ಶಾಖಾಗಳಲ್ಲಿ ಪಾಲ್ಗೊಂಡು ತರಬೇತಿ ಪಡೆಯಬೇಕು. ದೇಶ ಕಟ್ಟುವ ಮತ್ತು ಸ್ವಅಭಿವೃದ್ಧಿಗೆ ನೆರವಾಗುವ ಪ್ರಶಸ್ತ ಸ್ಥಳವಿದು ಎಂದೂ ಹೇಳಿದರು.