ಶಬೇಬರಾತ್ ಹಬ್ಬವನ್ನು ಮನೆಯಲ್ಲಿ ಆಚರಣೆಗೆ ಮುಸ್ಲಿಂ ಮುಖಂಡರ ಮನವಿ

ಗಂಗಾವತಿ: ಶೇಬೆ-ಎ-ಬರಾತ್ ಹಬ್ಬವನ್ನು ಮನೆಯಲ್ಲಿ ಸರಳವಾಗಿ ಆಚರಣೆ ಮಾಡುವಂತೆ ಜಮೀಯಾ ಮಸೀಯಾ ಮಸೀದಿ ಅಂದ್ರೂನ್ ಕಮೀಟಿ ಅಧ್ಯಕ್ಷ ನೂರುದ್ದೀನ್ ನವಾಬಸಾಬ ಮನವಿ ಮಾಡಿದ್ದಾರೆ.

ಉದಯವಾಣಿ ಜೊತೆ ಮಾತನಾಡಿದ ಅವರು, ಕೋವಿಡ್-19 ವೈರಸ್ ಹರಡದಂತೆ ಸರಕಾರ ವಿಧಿಸಿರುವ ಕರ್ಪ್ಯೂ ಹಿನ್ನಲೆಯಲ್ಲಿ ಗುಂಪು ಸೇರಿ ನಮಾಜ್ ಪ್ರಾರ್ಥನೆ ಮಾಡಲು ಅವಕಾಶವಿರುವುದಿಲ್ಲ. ಕೋವಿಡ್-19 ವೈರಸ್ ಒಬ್ಬರಿಂದ ಒಬ್ಬರಿಗೆ ಹರಡುವ ರೋಗವಾಗಿದ್ದು ಯಾರು ಸಹ ಮನೆಯಿಂದ ಹೊರಗೆ ಹೋಗದೇ ಮನೆಯಲ್ಲಿರಬೇಕಿದೆ ಎಂದರು.

ಶಬೇ ಎ ಬರಾತ್ ಹಬ್ಬ ಬಡಿರಾತ್ ದಿನದಂದು ಇಡೀ ರಾತ್ರಿ ಜಾಗರಣೆ ಮಾಡಿ ಆಚರಣೆಗೆ ಮಾಡಬೇಕು. ಯಾರೂ ಸಹ ಮಸೀದಿಗೆ ಬರಬಾರದು. ಮಸೀದಿಯಲ್ಲಿ ಮೂರರಿಂದ ನಾಲ್ಕು ಜನ ಭೌತಿಕ ಅಂತರ ಕಾಯ್ದುಕೊಂಡು ಪ್ರಾರ್ಥನೆ ಮಾಡಲಾಗುತ್ತದೆ ಎಂದು ಮನವಿ ಮಾಡಿದ್ದಾರೆ.

ಈ ಸಂದರ್ಭದಲ್ಲಿ ಅಕ್ತರ್ ಅನ್ಸಾರಿ, ಫಕೃದ್ದಿನ್ ಸಾಬ,ಸೈಯದಾಲಿ, ಶಾಮೀದ್ ಮನಿಯಾರ್,ಅನು ಜಿನ್ನಾ,ಶೇಖನಬಿ,ಅಯೂಬ್ ಖಾನ್ ಸೇರಿದಂತೆ ಅನೇಕರಿದ್ದರು.