Belthangady ಮುಂಡೂರು: ಚಿರತೆ ದಾಳಿಗೆ ಹಸು ಬಲಿ

ಬೆಳ್ತಂಗಡಿ: ಮುಂಡೂರು ಗ್ರಾಮದ ಕೇರಿಯಾರ್‌ ಗುರುವಪ್ಪ ಸಾಲಿಯಾನ್‌ ಅವರ ಮನೆಯ ಕರುವೊಂದನ್ನು ಚಿರತೆ ದಾಳಿ ನಡೆಸಿ ಕೊಂದು ಹಾಕಿದ ಘಟನೆ ಅ. 2ರ ತಡ ರಾತ್ರಿ ಸಂಭವಿಸಿದೆ.

ಈ ಬಗ್ಗೆ ವಲಯ ಅರಣ್ಯಾಧಿಕಾರಿ ಮಾಹಿತಿ ನೀಡಲಾಗಿದೆ. ಅರಣ್ಯ ಇಲಾಖೆ ಬೋನು ಇಡಲು ಮುಂದಾಗಿದೆ. ಆದರೆ ನಾರಾವಿಯಲ್ಲೂ ಚಿರತೆ ಹಾವಳಿಯಿದ್ದು ಅಲ್ಲೂ ಬೋನು ಇಡಲಾಗಿದೆ.

ಕೋಟಿಕಟ್ಟೆಯಿಂದ ಕಾಡಬಾಗಿಲು ರಸ್ತೆಯಲ್ಲಿ ಸಂಚರಿಸುವ ಜನರಿಗೆ, ವಾಹನ ಸವಾರರು, ಬೆಳಗ್ಗೆ ಸಂಜೆ ಹೊತ್ತಿಗೆ ಡೈರಿಗೆ ಹಾಲು ಕೊಂಡೊಯ್ಯುವ ಮಂದಿ ಭಯದಿಂದ ಸಂಚರಿಸುವ ವಾತಾವರಣ ಸೃಷ್ಟಿಯಾಗಿದೆ.