Mumbai: 45 ದಿನದಲ್ಲಿ 300 ಐಸ್‌ಕ್ರೀಂ ಆರ್ಡರ್‌ ಮಾಡಿದ!

ಮುಂಬೈ: ಬೇಸಿಗೆಯ ಝಳಕ್ಕೆ ತತ್ತರಿಸುತ್ತಿರುವ ದೇಶದ ಜನತೆ ತಾಪ ತಣಿಸಲು ಐಸ್‌ಕ್ರೀಂನ ಮೊರೆ ಹೋಗುತ್ತಿದ್ದು, ಮುಂಬೈನ ನಿವಾಸಿಯೊಬ್ಬರು 45 ದಿನಗಳಲ್ಲಿ 300 ಐಸ್‌ಕ್ರೀಂಗಳನ್ನು ಸ್ವಿಗ್ಗಿಯಲ್ಲಿ ಆರ್ಡರ್‌ ಮಾಡಿ, ಸುದ್ದಿಯಾಗಿದ್ದಾರೆ!

ಫ‌ುಡ್‌ ಡೆಲಿವರಿ ಸಂಸ್ಥೆ ಸ್ವಿಗ್ಗಿ ಈ ಮಾಹಿತಿ ನೀಡಿದೆ. ಈ ವರ್ಷ ತಾಪ ಹೆಚ್ಚಿರುವ ಕಾರಣ ಐಸ್‌ಕ್ರೀಂನ ಬೇಡಿಕೆ ಕೂಡ ಕಳೆದ ವರ್ಷಕ್ಕಿಂತ ಶೇ.16ರಷ್ಟು ಹೆಚ್ಚಾಗಿದೆಯಂತೆ. ಮಾ.1ರಿಂದ ಏ.15ರ ಅವಧಿಯಲ್ಲಿ ಬೆ.11ರಿಂದ ಸಂಜೆ 4ಗಂಟೆವರೆಗೆ 4.6 ಲಕ್ಷ ಐಸ್‌ಕ್ರೀಂ, ಸಂಜೆ 7 ರಿಂದ ಮಧ್ಯರಾತ್ರಿವರೆಗೆ 6.9 ಲಕ್ಷ ಐಸ್‌ಕ್ರೀಂಗಳನ್ನು ಸ್ವಿಗ್ಗಿಯಿಂದ ಬುಕ್‌ ಮಾಡಲಾಗಿದೆ. ಬೆಂಗಳೂರಿನಲ್ಲಿ ಬೆ.7ರಿಂದ 11ರವರೆಗೆ 80,000 ಐಸ್‌ಕ್ರೀಂ  ಆರ್ಡರ್‌ ಮಾಡಲಾಗಿದೆ.