ಸೋಮಾಲಿಯಾ ಮಾದರಿ ದಾಳಿ: ಮುಂಬಯಿ ಪೊಲೀಸರಿಗೆ ಮತ್ತೆ ಬೆದರಿಕೆ

ಮುಂಬಯಿ : ನಗರ ಪೊಲೀಸರಿಗೆ ಮತ್ತೆ ಅಂತಾರಾಷ್ಟ್ರೀಯ ಬೆದರಿಕೆ ಕರೆ ಬಂದಿದ್ದು, ಟ್ರಾಫಿಕ್ ಪೋಲೀಸರ ಸಹಾಯವಾಣಿಗೆ ವಾಟ್ಸಾಪ್ ಸಂದೇಶ ಬಂದಿದ್ದು, ಸೋಮಾಲಿಯಾ ಮಾದರಿಯ ದಾಳಿ ಎದುರಿಸಲು ಭಾರತ ಎಚ್ಚರವಹಿಸಬೇಕು ಎಂದು ಬರೆಯಲಾಗಿದೆ.

ಕಳೆದ ವಾರ 26/11ಮಾದರಿಯ ದಾಳಿ ನಡೆಸುವುದಾಗಿ ಟ್ರಾಫಿಕ್ ಪೋಲೀಸರ ಸಹಾಯವಾಣಿಗೆ ಹಲವು ಬೆದರಿಕೆ ಸಂದೇಶಗಳು ಬಂದಿದ್ದವು. ಪೊಲೀಸರು ಆ ಬಗ್ಗೆ ಈಗಾಗಲೇ ಆಳವಾದ ತನಿಖೆ ನಡೆಸುತ್ತಿದ್ದಾರೆ.

ಅಲ್-ಶಬಾಬ್ ಇತ್ತೀಚೆಗೆ ಸೊಮಾಲಿಯಾ ರಾಜಧಾನಿ ಮೊಗಾದಿಶುನಲ್ಲಿರುವ ಹಯಾತ್ ಹೋಟೆಲ್ ಮೇಲೆ ಭೀಕರ ದಾಳಿ ನಡೆಸಿತ್ತು. 20 ಕ್ಕೂ ಹೆಚ್ಚು ಜನ ಪ್ರಾಣ ಕಳೆದುಕೊಂಡಿದ್ದರು.