ನಟಿಯಾಗಬೇಕಿದ್ದ ಮಾಡೆಲ್‌ ಮೇಲೆ ಮೂವರಿಂದ ಗ್ಯಾಂಗ್‌ರೇಪ್‌ 

ಹೊಸದಿಲ್ಲಿ: ರೂಪದರ್ಶಿಯೊಬ್ಬಳ ಮೇಲೆ ಮೂವರು ಕಾಮುಕರು ಗ್ಯಾಂಗ್‌ರೇಪ್‌ ಎಸಗಿದ ಘಟನೆ ದಕ್ಷಿಣ ದೆಹಲಿಯ ಆರ್‌.ಕೆ.ಪುರಂನ ಫ್ಲ್ಯಾಟ್‌ವೊಂದರಲ್ಲಿ ಸೋಮವಾರ ನಡೆದಿದ್ದು ತಡವಾಗಿ  ಬೆಳಕಿಗೆ ಬಂದಿದೆ. 

ದೆಹಲಿಯ ಸರೋಜಿನಿ ನಗರ್‌ ಠಾಣೆಯಲ್ಲಿ ಈ ಸಂಬಂಧ ಸಂತ್ರಸ್ತೆ ದೂರು ದಾಖಲಿಸಿದ್ದು ಎಲ್ಲಾ ಮೂವರು ಆರೋಪಿಗಳನ್ನು ಬಂಧಿಸಲಾಗಿದೆ. 

20 ರ ಹರೆಯದ ಮಾಡೆಲ್‌ ಮುಂಬಯಿಂದ ಪರಿಚಯಸ್ಥನೊಂದಿಗೆ ಚಿತ್ರ ನಿರ್ದೇಶಕರೊಬ್ಬರ ಭೇಟಿಗೆಂದು ಬಂದಿದ್ದು, ಈ ವೇಳೆ ಆತ ತನ್ನಿಬ್ಬರು ಸ್ನೇಹಿತರನ್ನು ಫ್ಲ್ಯಾಟ್‌ಗೆ ಕರೆಸಿಕೊಂಡು ಕೃತ್ಯ ಎಸಗಿರುವುದಾಗಿ ಹೇಳಿಕೊಂಡಿದ್ದಾಳೆ. 

ಮೂವರೊಂದಿಗೆ ಯುವತಿ  ಮದ್ಯಪಾನ ಮಾಡಿದ್ದು ಇದೇ ಸಂದರ್ಭವನ್ನು ದುರುಪಯೋಗ ಪಡಿಸಿಕೊಂಡು ಮೂವರೂ ಸರದಿಯಂತೆ ಅತ್ಯಾಚಾರ ಎಸಗಿದ್ದಾರೆ ಎಂದು ಡಿಸಿಪಿ  ಮಾಧ್ಯಮಗಳಿಗೆ ತಿಳಿಸಿದ್ದಾರೆ.