ಲೇಡಿ ಪೊಲೀಸ್‌ ಪಾರಮ್ಯ

ಮುಂಬಯಿ: ದೇಶದ ವಾಣಿಜ್ಯ ರಾಜಧಾನಿ ಮುಬೈನ ಕಿರೀಟಕ್ಕೆ ಮತ್ತೂಂದು ಗರಿ ಸೇರಿದೆ. ಇಲ್ಲಿ ಬರೋಬ್ಬರಿ 8 ಪೊಲೀಸ್‌ ಠಾಣೆಗಳಲ್ಲಿ ಮಹಿಳಾ ಪೊಲೀಸರೇ ಠಾಣೆಯ ಉಸ್ತುವಾರಿ ವಹಿಸಿಕೊಂಡಿದ್ದಾರೆ. ಇಷ್ಟೊಂದು ಸಂಖ್ಯೆಯಲ್ಲಿ ಮಹಿಳಾ ಪೊಲೀಸರ ನೇತೃತ್ವ ಹೊಂದಿರುವ ಠಾಣೆಗಳನ್ನು ಹೊಂದಿರುವ ಭಾರತದ ಏಕೈಕ ನಗರ ಎಂಬ ಹೆಗ್ಗಳಿಕೆಗೆ ಮುಂಬೈ ಪಾತ್ರವಾಗಿದೆ. ‘8 ಮಹಿಳಾ ಪೊಲೀಸ್‌ ಸ್ಟೇಷನ್‌ ಇನ್‌ಚಾರ್ಜ್‌ಗಳನ್ನು ಹೊಂದಿರುವ ಏಕೈಕ ನಗರ ಮುಂಬೈ’ ಎಂದು ಮುಂಬೈ ಪೊಲೀಸ್‌ ಟ್ವೀಟ್‌ ಮಾಡಿದೆ. ಅಲ್ಕಾ ಮಂದಾವೆ, ರಶ್ಮಿ ಜಾಧವ್‌, ಲತಾ ಶ್ರೀಸತ್‌, ರೋಹಿಣಿ ಕಾಳೆ, ವಿದ್ಯಾಲಕ್ಷ್ಮಿಹಿರೇಮಠ್, ಕಲ್ಪನಾ ಗಡೇಕರ್‌ ಮುಂಬೈನ ವಿವಿಧ ಪೊಲೀಸ್‌ ಠಾಣೆಗಳಲ್ಲಿ ಠಾಣೆ ಮುಖ್ಯಸ್ಥರಾಗಿ ಕಾರ್ಯನಿರ್ವಹಿಸುತ್ತಿರುವ ಮಹಿಳಾ ಪೊಲೀಸರು.