Advertisement
ಜಿಲ್ಲೆಯ ಇತರ ಪುರಸಭೆ ನಿಗಮಗಳು ಲಸಿಕೆಗಳನ್ನು ಸಂಗ್ರಹಿಸಲು ಉತ್ತಮ ಗುಣಮಟ್ಟದ ಫ್ರೀಜರ್ಗಳ ವ್ಯವಸ್ಥೆಗೆ ಮುಂದಾಗಿದೆ. ಮುಂದಿನ ವರ್ಷದ ವೇಳೆಗೆ ಕೊರೊನಾ ಲಸಿಕೆ ಹೊರತರಲು ಯೋಜನೆ ಗಳು ಪ್ರಾರಂಭವಾಗುತ್ತಿದ್ದಂತೆ, ಥಾಣೆ ಜಿಲ್ಲೆಯು ವ್ಯಾಕ್ಸಿನೇಶನ್ ಪ್ರಕ್ರಿಯೆಗೆ ಸಿದ್ಧತೆ ನಡೆಸುತ್ತಿರುವುದಲ್ಲದೆ, ರಾಜ್ಯ ಸರಕಾರದಿಂದ ಹೆಚ್ಚಿನ ಮಾರ್ಗಸೂಚಿಗಳಿಗಾಗಿ ಕಾಯುತ್ತಿದೆ ಎನ್ನಲಾಗಿದೆ.
Related Articles
Advertisement
ನವಿ ಮುಂಬಯಿ ಮಹಾನಗರ ಪಾಲಿಕೆಯ ಆರೋಗ್ಯ ಅಧಿಕಾರಿ ದಯಾನಂದ ಕಟ್ಟೆ ಮಾಹಿತಿ ನೀಡಿ, ಎರಡು ಡಿಗ್ರಿ ಸೆಲ್ಸಿಯಸ್ ಮತ್ತು ಎಂಟು ಡಿಗ್ರಿ ಸೆಲ್ಸಿಯಸ್ ನಡುವೆ ಲಸಿಕೆಗಳನ್ನು ಸಂಗ್ರಹಿಸುವ ಸಾಮರ್ಥ್ಯ ಇದೆ. ಅದಕ್ಕಿಂತ ಕಡಿಮೆ ತಾಪಮಾನಕ್ಕಾಗಿ ನಾವು ವ್ಯವಸ್ಥೆಗಳನ್ನು ಮಾಡಬೇಕಾಗುತ್ತದೆ. ಆದ್ದರಿಂದ ಲಸಿಕೆಗಳನ್ನು ಸಂಗ್ರಹಿಸಲು ನಮಗೆ ಹೆಚ್ಚುವರಿ ನಿಬಂಧನೆಗಳು ಅಗತ್ಯವಿದೆಯೇ ಎಂದು ತಿಳಿಯಲು ರಾಜ್ಯ ಸರಕಾರದ ಮಾರ್ಗಸೂಚಿಗಳಿಗಾಗಿ ಕಾಯುತ್ತಿದ್ದೇವೆ. ಪ್ರಸ್ತುತ ಆರೋಗ್ಯ ಕಾರ್ಯಕರ್ತರ ಅಂಕಿಅಂಶ ಸಂಗ್ರಹಿಸುವ ಮತ್ತು ತಯಾರಿಸುವ ಪ್ರಕ್ರಿಯೆಯಲ್ಲಿದ್ದೇವೆ. ರೋಗನಿರೋಧಕ ಪ್ರಕ್ರಿಯೆಗೆ ಹೆಚ್ಚಿದ ಆದ್ಯತೆ ನೀಡಲಿದ್ದೇವೆ ಎಂದು ಹೇಳಿದ್ದಾರೆ.
ಕೋಲ್ಡ್ ಸ್ಟೋರೇಜ್ಗಳ ಅಗತ್ಯ ಹೆಚ್ಚು :
ಎಲ್ಲ ಮುನ್ಸಿಪಲ್ ಕಾರ್ಪೊರೇಷನ್ಗಳು ತಮ್ಮ ಆರೋಗ್ಯ ಕಾರ್ಯಕರ್ತರ ಪಟ್ಟಿಯನ್ನು ಸಲ್ಲಿಸಲು ಡಿ. 15ರ ವರೆಗೆ ಸಮಯ ನೀಡಿದ್ದೇವೆ. ಆ ಹೊತ್ತಿಗೆ ಆರೋಗ್ಯ ಕಾರ್ಯಕರ್ತರ ಸಂಖ್ಯೆ ಒಂದು ಲಕ್ಷ ತಲುಪಬಹುದು. ಈ ಅಂಕಿಅಂಶಗಳ ಆಧಾರದ ಮೇಲೆ ಲಸಿಕೆ ಸಂಗ್ರಹಣೆ ಮತ್ತು ರೋಗನಿರೋಧಕ ಶಕ್ತಿಯನ್ನು ನಾವು ಮಾಡಬೇಕಾಗಿದೆ. ವಿವಿಧ ದೇಶಗಳ ಲಸಿಕೆಗಳಿಗೆ ವಿವಿಧ ತಾಪಮಾನ ಮತ್ತು ವಿವಿಧ ರೀತಿಯ ಕೋಲ್ಡ್ ಸ್ಟೋರೇಜ್ ಅಗತ್ಯವಿರುತ್ತದೆ. ತಾಪಮಾನವು ಮೈನಸ್ 17 ಡಿಗ್ರಿಗಳಿಗಿಂತ ಕಡಿಮೆಯಿದ್ದರೆ ನಮಗೆ ಹೆಚ್ಚುವರಿ ನಿಬಂಧನೆಗಳು ಬೇಕಾಗುತ್ತವೆ ಎಂದು ಥಾಣೆ ಜಿಲ್ಲೆಯ ಸಿವಿಲ್ ಸರ್ಜನ್ ಕೈಲಾಸ್ ಪವಾರ್ ತಿಳಿಸಿದ್ದಾರೆ.
ಥಾಣೆಯ ವಿವಿಧ ವಾರ್ಡ್ಗಳಲ್ಲಿ ಕೇಂದ್ರ ಸ್ಥಾಪನೆ :
ಥಾಣೆ ಜಿಲ್ಲೆಯು ಕಳೆದ ವರ್ಷ ದಡಾರ ರುಬೆಲ್ಲಾ ಲಸಿಕೆ ನಡೆಸಿದೆ. ಇದಕ್ಕಾಗಿ ಮಾಡಿದ ಮೂಲ ನಿಬಂಧನೆಗಳು ವ್ಯಾಕ್ಸಿನೇಟರ್ಗಳು ಮತ್ತು ಕೋಲ್ಡ್ ಸ್ಟೋರೇಜ್ ಸೌಲಭ್ಯಗಳನ್ನು ಒಳಗೊಂಡಿವೆ. ಕೋವಿಡ್ ಲಸಿಕೆಗಳಿಗೆ ಜಿಲ್ಲೆಯು ಈಗಲೂ ಅದೇ ಸೌಲಭ್ಯಗಳನ್ನು ಇರಿಸಿದೆ. ಸರಕಾರವು ಈ ಮಧ್ಯೆ ಏಳು ದಿನಗಳಲ್ಲಿ ನಗರಕ್ಕೆ ರೋಗನಿರೋಧಕ ಶಕ್ತಿ ನೀಡಬಹುದು ಎಂಬ ವಿಶ್ವಾಸ ನಮಗಿದೆ ಎಂದು ಟಿಎಂಸಿ ಹೇಳಿಕೊಂಡಿದೆ. ಟಿಎಂಸಿ ಪ್ರಸ್ತುತ ವಿವಿಧ ವಾರ್ಡ್ಗಳಲ್ಲಿ ವ್ಯಾಕ್ಸಿನೇಶನ್ ಕೇಂದ್ರಗಳಿಗೆ ವ್ಯವಸ್ಥೆ ಮಾಡುತ್ತಿದ್ದು, ಅವುಗಳು ನಗರದ ಜನಸಂಖ್ಯೆಯನ್ನು ಸುಲಭವಾಗಿ ತಲುಪಬಹುದು ಮತ್ತು ರೋಗನಿರೋಧಕ ಪ್ರಕ್ರಿಯೆಯನ್ನು ಶೀಘ್ರವಾಗಿ ಪೂರ್ಣಗೊಳಿಸಬಹುದು.
ಕಲ್ಯಾಣ್-ಡೊಂಬಿವಲಿ ಮನಪಾದಿಂದ ಭರದ ಸಿದ್ಧತೆ :
ಕಲ್ಯಾಣ್-ಡೊಂಬಿವಲಿ ಮನಪಾ ದಿಂದಲೂ ಕೊರೊನಾ ಲಸಿಕೆ ವಿತರಣೆಗೆ ಭರದ ಸಿದ್ಧತೆಗಳನ್ನು ನಡೆಸಲಾಗುತ್ತಿದೆ. ಕೆಡಿಎಂಸಿ ತನ್ನ ವ್ಯಾಪ್ತಿಯಲ್ಲಿರುವ 413 ಖಾಸಗಿ ಮತ್ತು ಸರಕಾರಿ ಆಸ್ಪತ್ರೆಗಳಿಂದ 4,572 ಆರೋಗ್ಯ ಕಾರ್ಯಕರ್ತರ ಪಟ್ಟಿಯನ್ನು ಸಿದ್ಧಪಡಿಸಿದೆ. ವ್ಯಾಕ್ಸಿನೇಶನ್ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳುವ ಸುಮಾರು 242 ಮಂದಿಯ ನಿಬಂಧನೆಗಳನ್ನು ಈಗಾಗಲೇ ಕಲ್ಯಾಣ್- ಡೊಂಬಿವಲಿ ಮಹಾನಗರ ಪಾಲಿಕೆ ಮಾಡಿದೆ ಎಂದು ಮೂಲಗಳು ತಿಳಿಸಿವೆ.
ಸಭೆಗಳನ್ನು ನಡೆಸಿ ವ್ಯಾಕ್ಸಿನೇಶನ್ ಯೋಜನೆ ರೂಪಿಸುತ್ತಿದ್ದೇವೆ. ರಾಜ್ಯ ಸರಕಾರದಿಂದ ಮಾರ್ಗಸೂಚಿಗಳನ್ನು ಪಡೆದ ಕೂಡಲೇ ಅದನ್ನು ಕಲ್ಯಾಣ್-ಡೊಂಬಿವಲಿ ಮಹಾನಗರ ಪಾಲಿಕೆಯ ವ್ಯಾಪ್ತಿಯಲ್ಲಿ ಅಗತ್ಯತೆಗಳು ಮತ್ತು ನಿಬಂಧನೆಗಳ ಪ್ರಕಾರ ಕಾರ್ಯಗತಗೊಳಿಸುತ್ತೇವೆ. ಈಗಾಗಗಲೇ ಹಲವಾರು ಸುತ್ತಿನ ಮಾತುಕತೆಗಳು ನಡೆದಿವೆ. ವಾರ್ಡ್ ಮಟ್ಟದಲ್ಲಿ ಕೇಂದ್ರಗಳನ್ನು ಸ್ಥಾಪಿಸಲು ಚಿಂತನೆ ನಡೆಸುತ್ತಿದ್ದೇವೆ. -ಡಾ| ಪ್ರತಿಭಾ ಪನ್ಪತಿಲ್, ಸಾಂಕ್ರಾಮಿಕ ಅಧಿಕಾರಿ, ಕಲ್ಯಾಣ್-ಡೊಂಬಿವಲಿ ಮಹಾನಗರ ಪಾಲಿಕೆ
ಪ್ರತಿ ಪುರಸಭೆ ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ಲ್ಯಾಬ್ಗಳಲ್ಲಿ ಪರೀಕ್ಷೆ ಸಹಿತ ಜಿಲ್ಲೆಯೊಳಗೆ ಪರೀಕ್ಷೆಯ ಸಂಖ್ಯೆ ಕಡಿಮೆಯಾಗದಂತೆ ಕ್ರಮ ಕೈಗೊಂಡಿದ್ದೇವೆ. ಪ್ರಕರಣಗಳ ಸಂಖ್ಯೆಯ ಟ್ಯಾಬ್ ಅನ್ನು ಇರಿಸಿಕೊಳ್ಳಲು ಮತ್ತು ಜಿಲ್ಲೆಯೊಳಗೆ ಪ್ರಕರಣಗಳನ್ನು ನಿಯಂತ್ರಣದಲ್ಲಿಡಲು ಇದು ಸಹಾಯ ಮಾಡಿದೆ. -ರಾಜೇಶ್ ನರ್ವೇಕರ್ ಥಾಣೆ ಜಿಲ್ಲಾ ಸಂಗ್ರಾಹಕರು
ಆರೋಗ್ಯ ಕೇಂದ್ರಗಳಲ್ಲಿ ಕೋಲ್ಡ್ ಸ್ಟೋರೇಜ್ ಮತ್ತು ಡೀಪ್ ಫ್ರೀಜರ್ಗಳಿಗೆ ಅವಕಾಶ ಕಲ್ಪಿಸಿದ್ದೇವೆ. ಅಲ್ಲಿ ದಿನಕ್ಕೆ ಒಂದು ಲಕ್ಷ ಲಸಿಕೆಗಳನ್ನು ಸಂಗ್ರಹಿಸಬಹುದು. ಲಸಿಕೆ ಬ್ಯಾಚ್ಗಳಲ್ಲಿ ಬರುವುದರಿಂದ ದೊಡ್ಡ ಸ್ಥಳಗಳು ಅಗತ್ಯವಿಲ್ಲ, ಇದಕ್ಕೆ ಸಂಬಂಧಿಸಿದಂತೆ ರಾಜ್ಯ ಸರಕಾರದಿಂದ ಮಾರ್ಗಸೂಚಿಗಳಿದ್ದರೆ, ನಾವು ಖಂಡಿತವಾಗಿಯೂ ಅವುಗಳನ್ನು ಕಾರ್ಯಗತಗೊಳಿಸುತ್ತೇವೆ. ಆದರೆ ಈಗಿನಂತೆ ಪ್ರದೇಶವಾರು ಲಸಿಕೆಗಳನ್ನು ನೀಡಲು ವ್ಯವಸ್ಥೆ ಮಾಡಿದ್ದೇವೆ. ಥಾಣೆ ಜಿಲ್ಲೆಯ ಸಕ್ರಿಯ ಪ್ರಕರಣಗಳು ಇಳಿಮುಖವಾಗುತ್ತಿವೆ. -ಡಾ| ರಾಜು ಮುರುದ್ಕರ್, ಆರೋಗ್ಯ ಅಧಿಕಾರಿಗಳು, ಥಾಣೆ ಮಹಾನಗರ ಪಾಲಿಕೆ