ಕಟ್ಟಡದಿಂದ ಜಿಗಿದು ಮುಂಬೈ ಮೂಲದ ನಟಿ ಆತ್ಮಹತ್ಯೆ

ಮುಂಬೈ: ಉದಯೋನ್ಮುಖ ನಟಿಯೋರ್ವರು ಬಹುಮಹಡಿ ಕಟ್ಟಡದಿಂದ ಜಿಗಿದು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಶುಕ್ರವಾರ ಮುಂಜಾನೆ ಮುಂಬೈನ ಲೋಖಂಡವಾಲದಲ್ಲಿ ನಡೆದಿದೆ.

ಮೃತ ನಟಿಯನ್ನು ಪರ್ಲ್‌ ಪಂಜಾಬಿ ಎಂದು ಗುರುತಿಸಲಾಗಿದೆ. ಲೋಖಂಡವಾಲದ ಕೆನ್ವೋಡ್‌ ಅಪಾರ್ಟ್‌ ಮೆಂಟ್‌ ನ ಟೆರೇಸ್‌ ನಿಂದ ಜಿಗಿದು ಆತ್ಮಹತ್ಯೆಗೈದಿದ್ದಾರೆ ಎಂದು ವರದಿಯಾಗಿದೆ.

ಖಿನ್ನತೆಯಿಂದ ಬಳಲುತ್ತಿದ್ದ ನಟಿ ಈ ಹಿಂದೆಯೂ ಎರಡು ಬಾರಿ ಆತ್ಮಹತ್ಯೆ ಪ್ರಯತ್ನ ಮಾಡಿದ್ದರು ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ.