ಮುಂಬಯಿ ವಿಮಾನ ನಿಲ್ದಾಣ : ಇಂದು 6 ಗಂಟೆ ವಿಮಾನ ಸೇವೆ ಬಂದ್‌

ಮುಂಬಯಿ: ಇಲ್ಲಿನ ಛತ್ರಪತಿ ಶಿವಾಜಿ ಮಹಾರಾಜ್‌ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವು ಮಳೆಗಾಲದ ಪೂರ್ವ ನಿರ್ವಹಣೆ ಮತ್ತು ದುರಸ್ತಿಗಾಗಿ ಮಂಗಳವಾರ ಆರು ಗಂಟೆಗಳ ಕಾಲ ಎಲ್ಲ ವಿಮಾನ ಸೇವೆಯನ್ನು ಸ್ಥಗಿತಗೊಳಿಸಲಿದೆ ಎಂದು ಇಲ್ಲಿನ ಅಧಿಕಾರಿಯೊಬ್ಬರು ಸೋಮವಾರ ತಿಳಿಸಿದ್ದಾರೆ.

ಎರಡು ರನ್‌ವೇಗಳಾದ 14/32 ಮತ್ತು 09/27 ಮೇ 10ರಂದು ಬೆಳಗ್ಗೆ 11ರಿಂದ ಸಂಜೆ 5ರ ವರೆಗೆ ಎಲ್ಲ ವಿಮಾನ ಸೇವೆಗಳಿಗೆ ಮುಚ್ಚಿರುತ್ತವೆ. ನಿರ್ವಹಣ ಕಾರ್ಯಗಳು ಪೂರ್ಣಗೊಂಡ ಅನಂತರ ಸಾಮಾನ್ಯ ಸೇವೆಗಳು ಪುನರಾರಂಭಗೊಳ್ಳುತ್ತವೆ.