Kapu ಮೂಳೂರು: ಕ್ಯಾಂಟೀನ್‌ ಮಾಲಕ ಆತ್ಮಹತ್ಯೆ

ಕಾಪು: ಮೂಳೂರು ಗುರುದೇವ್‌ ಬಾರ್‌ನ ಬಳಿ ಕ್ಯಾಂಟೀನ್‌ ನಡೆಸುತ್ತಿದ್ದ ಧನಂಜಯ ಎನ್‌. (62) ಎಂಬವರು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಮೂಳೂರು ತೊಟ್ಟಂನಲ್ಲಿ ನಡೆದಿದೆ.

ಮೃತ ಧನಂಜಯ ಎನ್‌. ಅವರ ಪತ್ನಿ ಮೂರು ವರ್ಷಗಳ ಹಿಂದೆ ಮೃತಪಟ್ಟಿದ್ದರು. ಆ ಬಳಿಕ ಮನೆ ಮತ್ತು ಹೊಟೇಲ್‌ನ ಕೆಲಸ ನಿರ್ವಹಿಸುವಲ್ಲಿ ಒತ್ತಡ ಅನುಭವಿಸುತ್ತಿದ್ದು ಬಹುತೇಕ ಒಂಟಿಯಾಗಿಯೇ ಇರುತ್ತಿದ್ದರು.
ಒಂಟಿತನದಿಂದ ಬಳಲುತ್ತಿದ್ದ ಅವರು ಜೀವನದಲ್ಲಿ ಜಿಗುಪ್ಸೆಗೊಂಡಿದ್ದರು.

ಹೀಗಾಗಿ ಮಂಗಳವಾರ ಮೂಳೂರು ತೊಟ್ಟಂನಲ್ಲಿರುವ ಮನೆಯ ಅಡುಗೆ ಕೋಣೆಯಲ್ಲಿ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಡಿದ್ದಾರೆ. ಅವರ ಸಹವರ್ತಿ ವಿಶಾಲ್‌ ಕಾಪು ಅವರು ಈ ಬಗ್ಗೆ ಕಾಪು ಠಾಣೆಯಲ್ಲಿ ದೂರು ನೀಡಿದ್ದು ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರಿಸಿದ್ದಾರೆ.