12.17 ಕೋಟಿ ರೂ. ತೆರಿಗೆ ಪಾವತಿಸಿದ ಧೋನಿ

ರಾಂಚಿ: ದೇಶದ ಶ್ರೀಮಂತರಲ್ಲಿ ಕೆಲವರು ತೆರಿಗೆ ಪಾವತಿಸದೆ ಸರ‌ಕಾರಕ್ಕೆ ವಂಚಿಸಲು ಪ್ರಯತ್ನಿಸಿದ ಪ್ರಕರಣವನ್ನು ಕಾಣುತ್ತಲೇ ಇದ್ದೇವೆ. ಆದರೆ ಭಾರತ ಕ್ರಿಕೆಟ್‌ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್‌ ಧೋನಿ ಶಿಸ್ತಿನ ಸಿಪಾಯಿ ಎನ್ನುವುದನ್ನು ಸಾರಿ ಹೇಳಿದ್ದಾರೆ. 2017-18ರಲ್ಲಿ ಒಟ್ಟಾರೆ 12.17 ಕೋಟಿ ರೂ. ತೆರಿಗೆ ಪಾವತಿಸಿ ಮಾದರಿ ಪ್ರಜೆ ಎನಿಸಿಕೊಂಡಿದ್ದಾರೆ. ಜಾರ್ಖಂಡ್‌ ಮತ್ತು ಬಿಹಾರ ವ್ಯಾಪ್ತಿಯಲ್ಲಿ ಅತ್ಯಧಿಕ ತೆರಿಗೆ ಪಾವತಿಸಿದವರ ಪಟ್ಟಿಯಲ್ಲಿ ಧೋನಿ ಅಗ್ರಸ್ಥಾನದಲ್ಲಿದ್ದಾರೆ.

2016-17ರಲ್ಲಿ ಧೋನಿ ಒಟ್ಟಾರೆ 1.24 ಕೋಟಿ ರೂ. ತೆರಿಗೆ ಪಾವತಿಸಿದ್ದರು. ಆ ವರ್ಷದ ಫೋಬ್ಸ್ì ಪಟ್ಟಿಯಲ್ಲಿ ಧೋನಿ ದೇಶದಲ್ಲಿ 3ನೇ ಅತ್ಯಧಿಕ ಗಳಿಕೆ ಹೊಂದಿರುವ ಕ್ರೀಡಾಪಟು ಎನಿಸಿದ್ದರು. ಈ ಪಟ್ಟಿಯ ಮೊದಲೆರಡು ಸ್ಥಾನಗಳ‌ಲ್ಲಿ ಕೊಹ್ಲಿ, ಸಚಿನ್‌ ತೆಂಡುಲ್ಕರ್‌ ಇದ್ದರು. 2017ರಲ್ಲಿ ಧೋನಿ ವಿವಿಧ ಒಡಂಬಡಿಕೆಗಳಿಂದ ಒಟ್ಟು 63.7 ಕೋಟಿ ರೂ. ಗಳಿಸಿದ್ದರು.