Advertisement
ಕೈಯಲ್ಲಿ ಭಾರತ-ಪಾಕಿಸ್ಥಾನ ದೇಶಗಳ ಜಂಟಿ ಧ್ವಜ, ಪಾಕಿಸ್ಥಾನದ ಹಸಿರು ನಿಲುವಂಗಿ, ಅದರ ಮೇಲೆ ಧೋನಿ ಚಿತ್ರ. ಜಗತ್ತಿನ ಯಾವ ಮೂಲೆಯಲ್ಲೂ ಭಾರತ-ಪಾಕಿಸ್ಥಾನ ಪಂದ್ಯ ನಡೆಯಲಿ, ಇಳಿ ವಯಸ್ಸಿನ ಈ ಅಭಿಮಾನಿ ಹಾಜರ್‌. ಶಿಕಾಗೊದಲ್ಲಿ ಹೊಟೇಲ್‌ ನಡೆಸುತ್ತಿರುವ ಕಾರಣ ಇವರು “ಚಾಚಾ ಶಿಕಾಗೊ’ ಕೂಡ ಹೌದು!
“ಧೋನಿ ನಿವೃತ್ತರಾದರು. ನಾನು ಕೂಡ ಇನ್ನು ನಿವೃತ್ತ. ಧೋನಿ ಇಲ್ಲದ ಪಂದ್ಯಗಳಲ್ಲಿ ಇನ್ನು ನನ್ನನ್ನು ಕಾಣಲು ಸಾಧ್ಯವಿಲ್ಲ. ನಾನು ಧೋನಿಯವರನ್ನು ಅತಿಯಾಗಿ ಗೌರವಿಸುತ್ತೇನೆ, ಅವರೂ ನನ್ನನ್ನು ಪ್ರೀತಿಸುತ್ತಾರೆ. ಪ್ರೀತಿಯ ಈ ನಂಟು, ಆತ್ಮೀಯತೆಯ ಬೆಸುಗೆ ಮುಂದೆಯೂ ಇರುತ್ತದೆ…’ ಎಂದು ಬಶೀರ್‌ ಶಿಕಾಗೊದಿಂದ ದೂರವಾಣಿ ಮೂಲಕ ಪಿಟಿಐ ಜತೆ ಹೇಳಿಕೊಂಡಿದ್ದಾರೆ.
Related Articles
Advertisement
ಧೋನಿ-ಬಶೀರ್‌ ನಡುವಿನ ನಂಟು ಗಾಢವಾದದ್ದು 2011ರ ವಿಶ್ವಕಪ್ ಸೆಮಿಫೈನಲ್‌ ಪಂದ್ಯದ ಮೂಲಕ. ಅದು ಮೊಹಾಲಿ ಮುಖಾಮುಖೀ. ಈ “ಬಿಗ್ಗೆಸ್ಟ್‌ ಗೇಮ್‌’ಗಾಗಿ ಬಶೀರ್‌ಗೆ ಟಿಕೆಟ್‌ ಒಂದನ್ನು ತೆಗೆಸಿಕೊಟ್ಟಿದ್ದರು ಧೋನಿ.
ಬರ್ಮಿಂಗ್‌ಹ್ಯಾಮ್‌ ಪಂದ್ಯವೊಂದರ ವೇಳೆ ಧೋನಿಯನ್ನು ಬೆಂಬಲಿಸುತ್ತಿದ್ದಾಗ ಪಾಕ್‌ ಅಭಿಮಾನಿಗಳು ಕಿರಿಕ್‌ ಮಾಡಿದ್ದನ್ನೂ ಬಶೀರ್‌ ನೆನಪಿಸಿಕೊಂಡರು. “ನನ್ನನ್ನು ಗದ್ದರ್‌ ಎಂದೂ ನಿಂದಿಸಿದ್ದರು. ನಾನು ಎರಡೂ ದೇಶಗಳನ್ನು ಪ್ರೀತಿಸುತ್ತೇನೆ. ಮಾನವೀಯತೆಗೆ ಮೊದಲ ಆದ್ಯತೆ’ ಎಂದರು.ಮೂರು ಬಾರಿ ಹೃದಯಾಘಾತವಾದರೂ ಜಗ್ಗದೆ ಧೋನಿ ಪಂದ್ಯ ವೀಕ್ಷಿಸಲು ಲೋಕ ಸುತ್ತುತ್ತಿದ್ದ ಬಶೀರ್‌ ಅವರ ಮುಂದಿನ ನಿಲ್ದಾಣ ರಾಂಚಿಯಂತೆ! “ಕೋವಿಡ್ ನಿಯಂತ್ರಣಕ್ಕೆ ಬಂದೊಡನೆಯೇ ನಾನು ರಾಂಚಿಯಲ್ಲಿರುವ ಧೋನಿ ಮನೆಗೆ ಹೋಗಲಿದ್ದೇನೆ. ಧೋನಿಯವರ ನಿವೃತ್ತ ಜೀವನ ಹಾಗೂ ಭವಿಷ್ಯ ಉಜ್ವಲಗೊಳ್ಳಲಿ ಎಂದು ಶುಭ ಹಾರೈಸಬೇಕಿದೆ. ನನ್ನ ಮೊಹಾಲಿಯ ಮಿತ್ರ, ಧೋನಿ ಅವರ ಮತ್ತೋರ್ವ ಫ್ಯಾನ್‌ ರಾಮ್‌ ಬಾಬು ಅವರನ್ನೂ ಕರೆದುಕೊಂಡು ಹೋಗೆಬೇಕೆಂದಿದ್ದೇನೆ’ ಎಂದರು. ಐಪಿಎಲ್‌ನಲ್ಲಿ ಚೆನ್ನೈ ಪಂದ್ಯಗಳನ್ನು ನೋಡಲು ಹೋಗಬೇಕೆಂದಿದ್ದರೂ ಆರೋಗ್ಯ ಸ್ಥಿತಿ ಹಾಗೂ ಕೊರೊನಾದಿಂದಾಗಿ ಈ ನಿರ್ಧಾರವನ್ನು ಕೈಬಿಟ್ಟಿದ್ದಾಗಿ ಬಶೀರ್‌ ಹೇಳಿದರು.