MP: ಕೊಲೆ ಆರೋಪಿ ಬಂಧನಕ್ಕೆ ಪೊಲೀಸರಿಗೆ ನೆರವಾದ ನೊಣಗಳು!

ಜಬಲ್ಪುರ: ಕೊಲೆ ಆರೋಪಿಯೋರ್ವನನ್ನು ಬಂಧಿಸಲು ನೊಣಗಳು ನೆರವಾದ ವಿಲಕ್ಷಣ ಘಟನೆ ಮಧ್ಯಪ್ರದೇಶದ ಜಬಲ್ಪುರದಲ್ಲಿ ನಡೆದಿದೆ.

ಅ.30ರಂದು ಕೆಲಸಕ್ಕಾಗಿ ಮನೆಬಿಟ್ಟಿದ್ದ ಮನೋಜ್‌ ಠಾಕೂರ್‌ ಶವ ಮಾರನೇ ದಿನ ಪತ್ತೆಯಾಗಿತ್ತು. ಈ ಸಂದರ್ಭದಲ್ಲಿ ಮನೋಜ್‌ ಜತೆ ಕೊನೆಯದಾಗಿ ಕಾಣಿಸಿಕೊಂಡಿದ್ದ ಆರೋಪಿ ಧರಮ್‌ ಠಾಕೂರ್‌ನನ್ನು ಪೊಲೀಸರು ವಿಚಾರಿಸಿದಾಗ ಆತ ತಾನು ನಿರಾಪರಾಧಿಯೆಂದು ವಾದಿಸಿದ್ದ. ಆದರೆ ಆರೋಪಿ ಧರಿಸಿದ್ದ ಅಂಗಿಗೆ ನೊಣಗಳು ಮುತ್ತುತ್ತಿದ್ದುದನ್ನು ಗಮನಿಸಿದ ಪೊಲೀಸರು, ಅನುಮಾನದಿಂದ ಆತನ ಅಂಗಿಯನ್ನು ವಿಧಿವಿಜ್ಞಾನ ಪರೀಕ್ಷೆಗೊಳಪಡಿಸಿದ್ದಾರೆ. ಈ ವೇಳೆ ರಕ್ತದ ಕಲೆಗಳು ಪತ್ತೆಯಾಗಿದೆ.

ಕೊನೆಗೆ ಹಣಕಾಸಿನ ವ್ಯವಹಾರದಲ್ಲಿ ವೈಮನಸ್ಸು ಎದುರಾದ ಕಾರಣ ಕೊಲೆ ನಡೆಸಿದ್ದಾಗಿ ಆರೋಪಿ ಒಪ್ಪಿಕೊಂಡಿದ್ದಾನೆ.