Morgan Stanley: 3 ಸಾವಿರ ಮಂದಿ ವಜಾ

ವಾಷಿಂಗ್ಟನ್‌ : ಜಾಗತಿಕ ಉದ್ಯೋಗಕಡಿತದ ಸರಣಿ ಮುಂದುವರಿದಿದ್ದು, ಇದೀಗ ಅಮೆರಿಕದ ಹಣಕಾಸು ಕಂಪನಿ ಮೊರ್ಗಾನ್‌ ಸ್ಟಾನ್ಲ ತನ್ನ ಸಂಸ್ಥೆಯ 3,000 ಮಂದಿಯನ್ನು ವಜಾಗೊಳಿಸಲು ನಿರ್ಧರಿಸಿದೆ. 82 ಸಾವಿರ ಉದ್ಯೋಗಿಗಳನ್ನು ಹೊಂದಿರುವ ಈ ಸಂಸ್ಥೆ ಇತ್ತೀಚಿನ ವರ್ಷಗಳಲ್ಲಿ ಆರ್ಥಿಕ ಹಿಂಜರಿತವನ್ನು ಅನುಭವಿಸುತ್ತಿದೆ. ಹಣದುಬ್ಬರದಂಥ ಸಮಸ್ಯೆಗಳನ್ನು ಸಂಸ್ಥೆ ಎದುರಿಸುತ್ತಿದ್ದು, ವೆಚ್ಚ ಪರಿಣಾಮವನ್ನು ತಗ್ಗಿಸಲು ಯೋಜಿಸುತ್ತಿದೆ. ಈ ನಿಟ್ಟಿನಲ್ಲಿ ಈಗಾಗಲೇ ಸಂಸ್ಥೆಯ ಉದ್ಯೋಗಿಗಳ ಪೈಕಿ ಶೇ.2ರಷ್ಟು ಉದ್ಯೋಗಿಗಳನ್ನು ವಜಾಗೊಳಿಸಿತ್ತು. ಈಗ ಅದರ ಬೆನ್ನಲ್ಲೇ, ಸಂಸ್ಥೆ ನಿರ್ವಹಣಾ ಹಾಗೂ ಹಣಕಾಸು ವಿಭಾಗದ ಉದ್ಯೋಗಿಗಳನ್ನು ಹೊರತುಪಡಿಸಿ, ತನ್ನ ಜಾಗತಿಕ ಉದ್ಯೋಗಿಗಳ ಪ್ರಮಾಣದಲ್ಲಿ ಶೇ.5ರಷ್ಟು ಮಂದಿಯನ್ನು ವಜಾಗೊಳಿಸಲು ಸಿದ್ಧತೆ ನಡೆಸಿದೆ.