ಜಿಡಿಪಿ ನಿರೀಕ್ಷೆ ಮತ್ತಷ್ಟು ಇಳಿಕೆ

ಹೊಸದಿಲ್ಲಿ: ದೇಶದ ಆರ್ಥಿಕತೆಯು ನಿರೀಕ್ಷೆಗಿಂತ ಕಡಿಮೆ ಪ್ರಮಾಣದಲ್ಲಿ ಚೇತರಿಸಿಕೊಳ್ಳುತ್ತಿರುವ ಕಾರಣ, 2020ರ ಜಿಡಿಪಿ (ಒಟ್ಟು ದೇಶೀಯ ಉತ್ಪನ್ನ) ಪ್ರಗತಿ ದರವನ್ನು ಮೂಡೀಸ್‌ ಮತ್ತಷ್ಟು ಇಳಿಕೆ ಮಾಡಿದೆ. ಈ ಹಿಂದೆ ದೇಶದ ಆರ್ಥಿಕ ಪ್ರಗತಿ ದರವನ್ನು ಶೇ.6.6 ಎಂದು ನಿರೀಕ್ಷಿಸಿದ್ದ ಮೂಡೀಸ್‌, ಈಗ ಅದನ್ನು ಶೇ.5.4ಕ್ಕೆ ಇಳಿಸಿದೆ.

ಕಳೆದ 2 ವರ್ಷಗಳಲ್ಲಿ ಭಾರತದ ಆರ್ಥಿಕತೆಯು ಕ್ಷಿಪ್ರಗತಿಯಲ್ಲಿ ಕುಂಠಿತಗೊಂಡಿದ್ದು, ಚೇತರಿಕೆಯು ಅಷ್ಟು ಸುಲಭವಿಲ್ಲ. ಪ್ರಸ್ತುತ ಹಣಕಾಸು ವರ್ಷದಲ್ಲಿ ಆರ್ಥಿಕತೆಯು ಸ್ವಲ್ಪ ಮಟ್ಟಿಗೆ ಚೇತರಿಕೆ ಆಗಬಹುದಾದರೂ, ನಾವು ನಿರೀಕ್ಷಿಸಿದ ಮಟ್ಟಿಗೆ ಸುಧಾರಣೆಯಾಗುವ ಭರವಸೆಯಿಲ್ಲ ಎಂದಿದೆ ಮೂಡೀಸ್‌.