ಕೊಹ್ಲಿ ಟೆಸ್ಟ್‌ ಶತಕ ದಾಖಲೆ ಸಮಗೊಳಿಸಿದ ಮೊಮಿನುವಲ್‌

ಢಾಕಾ: ಬಾಂಗ್ಲಾದೇಶ ಬ್ಯಾಟ್ಸ್‌ಮೆನ್‌ ಮೊಮಿನುವಲ್‌ ಹಕ್‌ 2018ರ ಸಾಲಿನಲ್ಲಿ ವಿರಾಟ್‌ ಕೊಹ್ಲಿ ದಾಖಲಿಸಿರುವ ಅತ್ಯಧಿಕ ಶತಕ ದಾಖಲೆಯನ್ನು ಸಮಗೊಳಿಸಿದ್ದಾರೆ. ಪ್ರಸ್ತುತ ವರ್ಷದಲ್ಲಿ  ಕೊಹ್ಲಿ ಒಟ್ಟಾರೆ 4 ಶತಕ ದಾಖಲಿಸಿದ್ದರು. 

ಇದೀಗ ವಿಂಡೀಸ್‌ ವಿರುದ್ಧದ ಮೊದಲ ಟೆಸ್ಟ್‌ ಪಂದ್ಯದಲ್ಲಿ ಮೊಮಿನುವಲ್‌ ಹಕ್‌ ಶತಕ ಸಿಡಿಸುವ ಮೂಲಕ ಈ ವರ್ಷದಲ್ಲಿ ಒಟ್ಟಾರೆ 4ನೇ ಟೆಸ್ಟ್‌ ಶತಕ ಬಾರಿಸಿದರು. ಮಾತ್ರವಲ್ಲ ಕೊಹ್ಲಿ ಜತೆಗೆ ದಾಖಲೆ ಸಮಗೊಳಿಸಿಕೊಂಡರು. ಕೊಹ್ಲಿ 2018ರಲ್ಲಿ ದಕ್ಷಿಣ ಆಫ್ರಿಕಾ (153 ರನ್‌), ಇಂಗ್ಲೆಂಡ್‌ (149 ರನ್‌) ಮತ್ತು (103 ರನ್‌) ಹಾಗೂ ವಿಂಡೀಸ್‌ (139 ರನ್‌) ವಿರುದ್ಧ ಶತಕ ದಾಖಲಿಸಿದ್ದರು. 

ಚಿತ್ತಗಾಂಗ್‌ನಲ್ಲಿ ಆರಂಭವಾದ ಮೊದಲ ಟೆಸ್ಟ್‌ ಪಂದ್ಯದ ಮೊದಲ ಇನಿಂಗ್ಸ್‌ನಲ್ಲಿ ಎರಡನೇ ಆಟಗಾರನಾಗಿ ಮೊಮಿನುವಲ್‌ ಹಕ್‌ (120 ರನ್‌) ಕ್ರೀಸ್‌ಗೆ ಇಳಿದು ಸಿಡಿದಿದ್ದರು. ಹಕ್‌ ಒಟ್ಟಾರೆ 167 ಎಸೆತದಿಂದ 10 ಬೌಂಡರಿ ಹಾಗೂ 1 ಸಿಕ್ಸರ್‌ ಸಿಡಿಸಿದ್ದರು.