ಮೋದಿ ಅಭಿಮಾನಿಗಳು ಹರಕೆಯಾಟ ಆಡಿಸಿದರು!

ಮಂಗಳೂರು: ಮೋದಿ ಅವರು ಮತ್ತೆ ಪ್ರಧಾನಿಯಾದರೆ ಕಟೀಲು ಮೇಳದ ದೇವಿ ಮಹಾತ್ಮೆ ಹರಕೆಯಾಟ ಆಡಿಸುತ್ತೇವೆ ಎಂದು ಅಭಿಮಾನಿ ಭಕ್ತರು ಹೇಳಿಕೊಂಡಿದ್ದ ಹರಕೆ ಈಡೇರಿದೆ; ಶುಕ್ರವಾರ ಹರಕೆಯೂ ಸಲ್ಲಿಕೆಯಾಗಿದೆ. ಮೋದಿ ಮತ್ತೂಮ್ಮೆ ದೇಶದ ಚುಕ್ಕಾಣಿ ಹಿಡಿಯಬೇಕೆಂಬ ಸಂಕಲ್ಪದೊಂದಿಗೆ ಕಟೀಲು ಶ್ರೀದೇವಿಗೆ ಮೋದಿ ಅಭಿಮಾನಿಗಳು ಹರಕೆಯಾಟ ಸಲ್ಲಿಸುವುದಾಗಿ ಹೇಳಿಕೊಂಡಿದ್ದರು.

ಆಶಯ ನೆರವೇರಿದ ಹಿನ್ನೆಲೆಯಲ್ಲಿ ಶುಕ್ರವಾರ ಯಕ್ಷಗಾನ ಪ್ರದರ್ಶನ ನಡೆದಿದೆ. “ನಮೋ ಎಗೈನ್‌, ನಮೋ ಫಿರ್‌ಸೇ, ಟೀಮ್‌ ಮೋದಿ, ನಮೋ ಮಿಷನ್‌ 400 ಪ್ಲಸ್‌ ಟೀಮ್‌ಗಳು ಈ ಯಕ್ಷಗಾನ ಪ್ರದರ್ಶನ ಆಯೋಜಿಸಿದ್ದು, ಕಟೀಲು ಶ್ರೀ ದುರ್ಗಾ ಪರಮೇಶ್ವರಿ ಯಕ್ಷಗಾನ ಮೇಳದವರು ಪ್ರದರ್ಶನ ನಡೆಸಿಕೊಟ್ಟರು. ಚೌಕಿ ಪೂಜೆಯ ಬಳಿಕ ಅನ್ನಪ್ರಸಾದವೂ ನಡೆಯಿತು.