ಸೆ. 15 ರಿಂದ ಮೋದಿ ಉಜ್ಬೇಕಿಸ್ತಾನ ಭೇಟಿ: ಶೃಂಗಸಭೆಯಲ್ಲಿ ಭಾಗಿ

ನವದೆಹಲಿ: ಇದೇ 15-16ರಂದು ಪ್ರಧಾನಿ ನರೇಂದ್ರ ಮೋದಿ ಅವರು ಉಜ್ಬೇಕಿಸ್ತಾನ ಪ್ರವಾಸ ಮಾಡಲಿದ್ದಾರೆ. ಅಲ್ಲಿ ನಡೆಯಲಿರುವ ಶಾಂಘೈ ಸಹಕಾರ ಸಂಘ(ಎಸ್‌ಸಿಒ)ದ ಶೃಂಗಸಭೆಯಲ್ಲಿ ಮೋದಿ ಸೇರಿದಂತೆ 15 ವಿಶ್ವನಾಯಕರು ಭಾಗಿಯಾಗಲಿದ್ದಾರೆ.

ಕಳೆದ 2 ದಶಕಗಳ ಎಸ್‌ಸಿಒ ಚಟುವಟಿಕೆಗಳು, ಭವಿಷ್ಯದಲ್ಲಿ ಬಹುಪಕ್ಷೀಯ ಸಹಕಾರ ಸೇರಿದಂತೆ ವಿವಿಧ ವಿಚಾರಗಳ ಕುರಿತು ಚರ್ಚೆ ನಡೆಯಲಿದೆ. ಈ ಶೃಂಗದ ವೇಳೆ ಪ್ರಧಾನಿ ಮೋದಿ ಮತ್ತು ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ನಡುವೆ ಮಾತುಕತೆ ನಡೆಯುವ ಸಾಧ್ಯತೆಯೂ ಇದೆ. ಸೆ.14ರಂದು ಭಾರತದಿಂದ ಹೊರಡಲಿರುವ ಮೋದಿ ಅವರು 16ರಂದು ವಾಪಸಾಗಲಿದ್ದಾರೆ.