ಎಂಪಿಎಲ್‌: ಅಕ್ಷಯ್‌ ಬಲ್ಲಾಳ್‌ ಶತಕ

ಮಂಗಳೂರು: ಮಂಗಳೂರು ಪ್ರೀಮಿಯರ್‌ ಲೀಗ್‌ ಕ್ರಿಕೆಟ್‌ ಕೂಟದ ಉಡುಪಿ ಎ.ಕೆ. ನ್ಪೋರ್ಟ್ಸ್ ವಿರುದ್ಧದ ಪಂದ್ಯದಲ್ಲಿ ಮಂಗಳೂರು ಯುನೈಟೆಡ್‌ ತಂಡದ ಅಕ್ಷಯ್‌ ಬಲ್ಲಾಳ್‌ 130 ರನ್‌ ಬಾರಿಸಿದ್ದಾರೆ (20 ಬೌಂಡರಿ, 1 ಸಿಕ್ಸರ್‌). ಈ ಪಂದ್ಯದಲ್ಲಿ ಮಂಗಳೂರು ಯುನೈಟೆಡ್‌ ತಂಡ 92 ರನ್ನುಗಳ ಜಯ ಸಾಧಿಸಿತು. 

ಮೊದಲು ಬ್ಯಾಟಿಂಗ್‌ ನಡೆಸಿದ ಮಂಗಳೂರು ತಂಡ 20 ಓವರ್‌ಗಳಲ್ಲಿ 4 ವಿಕೆಟಿಗೆ 196 ರನ್‌ ಪೇರಿಸಿದರೆ, ಎ.ಕೆ. ನ್ಪೋರ್ಟ್ಸ್ ತಂಡ 104 ರನ್ನಿಗೆ ಆಲೌಟ್‌ ಆಯಿತು. ಬೌಲಿಂಗಿನಲ್ಲೂ ಮಿಂಚಿದ ಬಲ್ಲಾಳ್‌ 16ಕ್ಕೆ 3 ವಿಕೆಟ್‌ ಉರುಳಿಸಿ ಪಂದ್ಯಶ್ರೇಷ್ಠ ಗೌರವಕ್ಕೆ ಪಾತ್ರರಾದರು. ಉಳಿದ ಪಂದ್ಯಗಳಲ್ಲಿ ಮ್ಯಾಸ್ಟ್ರೋ, ವೈಸ್‌ ವಾರಿಯರ್ ತಂಡಗಳು ಕ್ರಮವಾಗಿ ಯುನೈಟೆಡ್‌ ಉಲ್ಲಾಳ ಹಾಗೂ ಕೋಸ್ಟಲ್‌ ಡೈಜೆಸ್ಟ್‌ ತಂಡಗಳ ವಿರುದ್ಧ ಜಯ ಸಾಧಿಸಿವೆ.