MLC Election ; ಜೆಡಿಎಸ್‌ ನಿಂದ ಜವರಾಯಿ ಗೌಡ? : ಫಾರೂಕ್‌ಗೆ ಮತ್ತೆ ಅವಕಾಶ ಅನುಮಾನ

ಬೆಂಗಳೂರು: ವಿಧಾನಸಭೆಯಲ್ಲಿ 19 ಸದಸ್ಯ ಬಲವಿರುವ ಜೆಡಿಎಸ್‌ ವಿಧಾನಪರಿಷತ್ತಿಗೆ ಒಬ್ಬ ಅಭ್ಯರ್ಥಿಯನ್ನು ಆಯ್ಕೆ ಮಾಡುವ ಅವಕಾಶ ಹೊಂದಿದ್ದು, ಮೇಲ್ಮನೆ ಯಲ್ಲಿ ಬಿ.ಎಂ. ಫಾರೂಕ್‌ ಅವರು ಜೆಡಿಎಸ್‌ ಸದಸ್ಯರಾಗಿದ್ದಾರೆ. ಅವರ ನಿವೃತ್ತಿ ಯಿಂದ ತೆರವಾಗುವ ಸ್ಥಾನಕ್ಕೆ ಯಾರ ಹೆಸರನ್ನೂ ಸೂಚಿಸಿಲ್ಲ.

ಅಂತಿಮ ಕ್ಷಣದ ವರೆಗೆ ಫಾರೂಕ್‌ ಟಿಕೆಟ್‌ ಗಿಟ್ಟಿಸಿಕೊಳ್ಳಲು ಪ್ರಯತ್ನ ಮುಂದುವರಿಸಿದ್ದರೂ ಮರು ಆಯ್ಕೆಯ ಭಾಗ್ಯ ಅನುಮಾನವಾಗಿದೆ. ಜವರಾಯಿಗೌಡ ಅವರಿಗೆ ಎಚ್‌.ಡಿ. ದೇವೇಗೌಡ ಮತ್ತು ಎಚ್‌.ಡಿ. ಕುಮಾರಸ್ವಾಮಿ ಅವರು ಈ ಬಾರಿ ಮೇಲ್ಮನೆಗೆ ಅವಕಾಶ ಮಾಡಿಕೊಡುವ ಭರವಸೆ ಕೊಟ್ಟಿದ್ದರಿಂದ ಅವರಿಗೇ ಅದೃಷ್ಟ ಒಲಿಯುವ ಸಾಧ್ಯತೆಗಳು ದಟ್ಟವಾಗಿವೆ.