ಮಹಿಳಾ ಐಪಿಎಲ್‌ನಲ್ಲಿ ಮಿಥಾಲಿ ರಾಜ್‌ ಆಟ?

ಹೊಸದಿಲ್ಲಿ: ಕೆಲವು ದಿನಗಳ ಹಿಂದಷ್ಟೇ ಕ್ರಿಕೆಟಿಗೆ ವಿದಾಯ ಘೋಷಿಸಿದ ಮಿಥಾಲಿ ರಾಜ್‌, ವನಿತಾ ಐಪಿಎಲ್‌ನಲ್ಲಿ ಆಡುವ ಇಂಗಿತವನ್ನು ಹೊರಗೆಡಹಿದ್ದಾರೆ.

“ಮುಂಬರುವ ಮೊದಲ ಆವೃತ್ತಿಯ ವನಿತಾ ಐಪಿಎಲ್‌ನಲ್ಲಿ ಆಡುವ ಆಯ್ಕೆಯನ್ನು ತೆರೆದಿಟ್ಟಿದ್ದೇನೆ. ಇನ್ನೂ ಯಾವುದೇ ತೀರ್ಮಾನಕ್ಕೆ ಬಂದಿಲ್ಲ’ ಎಂಬುದಾಗಿ ಮಿಥಾಲಿ ಹೇಳಿದ್ದಾರೆ.

ಮಿಥಾಲಿ ವನಿತಾ ಟಿ20 ಚಾಲೆಂಜ್‌ ಸರಣಿಯಲ್ಲಿ 2 ವರ್ಷ ಆಡಿ ವೆಲಾಸಿಟಿ ತಂಡವನ್ನು ಮುನ್ನಡೆಸಿದ್ದರು.