ವಾಷಿಂಗ್ಟನ್‌: “ಭಾರತ- ಚೀನಾ ನಡುವಿನ ಅಪನಂಬಿಕೆ ಸಾರ್ವಕಾಲಿಕವಾಗಿ ಹೆಚ್ಚಳ ಕಂಡಿದೆ. ಉತ್ತರದ ಗಡಿಯನ್ನು ಸುರಕ್ಷಿತವಾಗಿಸಲು ಭಾರತ ನಡೆಸಿದ ದಿಟ್ಟ ಹೋರಾಟ ಶ್ಲಾಘನೀಯ ಎಂದು ಅಮೆರಿಕ ಕೊಂಡಾಡಿದೆ.
ಅಮೆರಿಕದ ಅಡ್ಮಿರಲ್‌ ಜಾನ್‌ ಸಿ. ಅಕ್ವಿಲಿನೊ ಸುದ್ದಿಗಾರರೊಂದಿಗೆ ಮಾತನಾಡಿ, “ಚೀನಾದ ಒನ್‌ ಬೆಲ್ಟ್- ಒನ್‌ ರೋಡ್‌ ಯೋಜನೆಯನ್ನು ಭಾರತ ಅನುಮಾನದಿಂದಲೇ ನೋಡುತ್ತಿದೆ. ಪಾಕಿಸ್ತಾನದ ಗ್ವದಾರ್‌, ಶ್ರೀಲಂಕಾದ ಹಂಬಾಂಟೊಟಾ ಮೇಲೆ ಹಿಡಿತ ಸಾಧಿಸುತ್ತಿರುವ ಚೀನಾದ ಹೆಜ್ಜೆ ಬಗ್ಗೆ ಭಾರತ ಕಳವಳ ವ್ಯಕ್ತಪಡಿಸಿದೆ.
ಹಿಂದೂ ಮಹಾಸಾಗರದಲ್ಲಿ ಪೀಪಲ್ಸ್‌ ರಿಪಬ್ಲಿಕ್‌ ಚೀನಾದ ಪಾರದರ್ಶಕ ಕೊರತೆ ಮತ್ತು ನಕಲಿ ಕ್ರಮಗಳು, ಆ ವಲಯದ ಭದ್ರತೆಗೆ ಆತಂಕ ತಂದೊಡ್ಡಿವೆ’ ಎಂದು ಆರೋಪಿಸಿದರು.
ಭಾರತ- ಅಮೆರಿಕ ನಡುವೆ ಗಟ್ಟಿಯಾಗುತ್ತಿರುವ ದ್ವಿಪಕ್ಷೀಯ ಬಾಂಧವ್ಯಕ್ಕೂ ಮೆಚ್ಚುಗೆ ವ್ಯಕ್ತಪಡಿಸಿದರು.
ಇದನ್ನೂ ಓದಿ :ನೀವು ತಿನ್ನುವ ಆಹಾರ ಮತ್ತು ಬೆಳೆಯುವ ರೈತರನ್ನು ಗೌರವಿಸಿ: ರೈತರ ಪರ ನಿಂತ ವಿಶಾಲ್ ದದ್ಲಾನಿ
